Hillary Clinton yn sefydlu ysgoloriaeth ym Mhrifysgol Abertawe

 

Hillary Clinton

Llun: commons wikimedia CC2.0.jpg

Mae prifysgol yng Nghymru wedi bod yn cydweithio â Hillary Clinton er mwyn sefydlu ysgoloriaeth i fyfyrwyr sy’n dymuno ymchwilio i hawliau dynol plant.

Nod y cynllun ysgoloriaeth, sy’n gydweithrediad rhwng Prifysgol Abertawe, Hillary Clinton a Llywodraeth Cymru, yw sicrhau nawdd i fyfyrwyr PhD allu gwneud ymchwil ym maes hawliau dynol plant, ynghyd ag ariannu adroddiadau, seminarau a datblygu senedd i’r ifanc yng Nghymru.

Y llynedd cafodd cyn-ysgrifennydd Gwladol yr Unol Daleithiau ei chyflwyno â gradd er anrhydedd gan Brifysgol Abertawe, ac mae ysgol gyfraith y brifysgol wedi’i henwi’n Ysgol y Gyfraith Hillary Rodham Clinton.

Balchder

“Mae’r [cynllun hwn] yn adeiladu ar waith blaenllaw yr Arsyllfa ar Hawliau Plant a Phobl Ifanc,” meddai dirprwy Ganghellor Prifysgol Abertawe, Ben Davies. “Ac ry’n ni’n falch y bydd y cynllun hwn yn cynnwys ysgolheigion o sefydliadau rhyngwladol sy’n bartneriaid i ni.”

Mae gan Hillary Clinton gysylltiadau Cymreig ar ochr ei thad, gydag hen dad-cu yn hanu o Langynidr, a hen fam-gu o’r Fenni.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed