‘Dryswch’ yn arwain at ganslo dathliad Gŵyl Ddewi Cymry Dulyn

Diweddarwyd  

Am y tro cyntaf ers bron i ugain mlynedd, ni fydd cymdeithas Gymreig dinas Dulyn yn cynnal noson i ddathlu Gŵyl Ddewi eleni.

Bob blwyddyn, mae cymdeithas Draig Werdd yn cynnal digwyddiad i ddathlu diwrnod ein nawdd sant, gyda’r nosweithiau’n amrywio o fod yn rhai ffurfiol ac anffurfiol am yn ail.

Ond eleni – oherwydd dryswch rhwng y trefnwyr a chynrychiolydd Llywodraeth Cymru yn y Llysgenhadaeth Brydeinig yn Nulyn – fydd y cyfarfod anffurfiol ddim yn digwydd.

Y llynedd, fe drefnwyd cinio ffurfiol yn y ddinas, gyda’r sylwebydd rygbi, Huw Llywelyn Davies yn siaradwr gwadd. Eleni, y syniad oedd cael noson gymdeithasol mewn tafarn.

“Yn anffodus, am y tro cyntaf ers bron 20 mlynedd, dydyn ni ddim wedi cynnal noson arbennig ar gyfer Dydd Gwyl Dewi eleni,” meddai Geraint Waters o gymdeithas Draig Werdd wrth golwg360.

“Roedden ni’n bwriadu cynnal noson gymdeithasol mewn tafarn eleni gyda chymorth cynrychiolydd y llywodraeth Cymreig o’r Embassy Prydeinig yma yn Nulyn, ond methodd y cynllun a dydyn ni ddim wedi cael y cyfle i drefnu rhywbeth arall.

“Bydd rhai ohonon ni’n mynd i noson yng nghartref y llysgennad Prydeinig yma ar Fawrth 1,” meddai wedyn, “lle bydd un o weinidogion llywodraeth Cymru (Lesley Griffiths) yn bresennol, gyda Chôr Meibion Cymry Dulyn yn diddanu’r dorf. Ond nid ni sydd wedi trefnu’r noson hon.”

 

Ond erbyn hyn, mae Lesley Griffiths, Ysgrifennydd Llywodraeth Cymru tros Ynni, Cynllunio a Materion Gwledig, wedi cyhoeddi na fydd yn gallu teithio i Ddulyn oherwydd tywydd garw.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?