Cwmni olew Valero yn buddsoddi £123m yn ne Sir Benfro

Diweddarwyd  

Purfa olew cwmni Valero

Llun: Dylan Moore CC SA 2.0 trwy Gomin Wicimedia

Mae’r diwydiant olew yn ne Sir Benfro wedi derbyn hwb sylweddol, wrth i’r cwmni olew, Valero, benderfynu ehangu eu purfa yn yr ardal.

Fe fydd y cwmni, sy’n cynhyrchu 220,000 casgen o olew y dydd, yn buddsoddi £123m i adeiladu uned newydd a fydd yn sicrhau eu bod nhw’n gallu cynhyrchu ynni yn fwy effeithiol a chynaliadwy.

Fe fydd y prosiect hwn yn sicrhau bod Valero yn gallu parhau i gyflogi’r 1,000 o weithwyr a chontractwyr sy’n gweithio yno ar hyn o bryd, ac fe fydd diwrnod agored yn cael ei gynnal ar gyfer pobol leol i drafod y cyfleon gwaith a ddaw o ohono.

Yn ôl Ed Tomp, is-lywydd a rheolwr Valero yn y Deyrnas Unedig, mae’r hwb ariannol hwn yn “fuddsoddiad enfawr” yn yr economi Cymreig.

Cefnogaeth Llywodraeth Cymru a San Steffan

Dim ond yr wythnos ddiwethaf y bu Prif Weinidog Cymru, Carwyn Jones, yn Washington yn yr Unol Daleithiau yn cynnal trafodaethau gyda Valero ynglŷn â’r buddsoddiad hwn.

Fe ddywedodd Ysgrifennydd Cymru, Alun Cairns, yn ystod ymweliad â Sir Benfro dro yn ôl hefyd, fod gan y diwydiant olew yno “gefnogaeth lawn Llywodraeth Prydain” er mwyn sicrhau bod cwmnïau’n gwneud buddsoddiadau.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed