“Mae Cymry Llundain yr un mor danbaid dros Gymru”

Diweddarwyd  

Canolfan Cymry Llundain

Mae Cymry Llundain “yr un mor danbaid” dros Gymru ag yr ydi Cymry gartref yn y famwlad, yn ôl pennaeth canolfan Cymry’r ddinas.

Yn ôl Ceri Wyn, Prif Weithredwr Canolfan Cymry Llundain, mae gan Gymry alltud duedd i hiraethu ac i fod yn “fwy rhamantaidd” am adref.

Ond, mae hi hefyd yn credu bod cymdeithas y ddinas yn cadw llygad craff ar yr hyn sy’n digwydd yng Nghymru, ac yr un mor angerddol â’r Cymry tu draw i Glawdd Offa.

“Dydyn ni ddim yn troi ein cefnau ar Gymru trwy ddod i Lundain,” meddai wrth golwg360.

“Dw i ar y ffôn bob dydd gyda Mam a Dad – dw i’n gwybod beth sy’n digwydd. Efallai bod yna duedd i fod yn fwy rhamantaidd ond dw i yn teimlo bod pobol yn Llundain yr un mor danbaid am Gymru lle bynnag maen nhw’n byw.”

Mae’n nodi bod yna “batrwm lle mae pobol yn colli eu hunain yn y ddinas am ychydig”, ond mae’n ychwanegu bod pawb yn “ffeindio” eu Cymreictod yn y pendraw.

Ffynnu

O ran y gymuned Gymreig yn Llundain, mae Ceri Wyn yn dweud bod degau o filoedd yn byw yno a’u bod yn “ffynnu” ac wedi “hoelio [eu] marc”.

“Rydan ni’n atynnu mwy o bobol o Gymru,” meddai am y Ganolfan, gan ychwanegu eu bod yn ceisio denu pobol ifanc ac yn llwyddo wrth wneud hynny.

Mae’n debyg bod sawl digwyddiad gyda’r Ganolfan ar y gweill gan gynnwys: ‘Wythnos Cymry yn Llundain’, Twmpath Dydd Gŵyl Dewi ac Emporiwm Gymreig.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed