Dyfodol ansicr i gymuned Gymreig gorllewin Awstralia

Diweddarwyd am  

Ni fydd Cymdeithas Gymreig Gorllewin Awstralia yn para’n llawer hirach oni bai bod aelodau ifanc yn ymuno yn y dyfodol agos.

Dyna yw pryder Eluned Bevan, Cymraes Gymraeg sy’n wreiddiol o Ddolgellau ac sy’n wraig i Lywydd y Gymdeithas, Hugh Bevan. Fe symudodd y ddau i ardal dinas Perth yn 1972.

“Rydym yn gwneud y gorau gallwn ni, ond dw i ddim yn gweld y gymdeithas Gymreig a’r capel Cymreig yn para yn hir iawn,” meddai Eluned Bevan.

“Unwaith eith yr aelodau sydd rŵan yn tynnu at eu nawdegau, os na gawn ni crop arall [ifancach] yn dod i mewn, go brin y gallwn ni barhau.”

Mae’n dweud eu bod “wedi trio pob dim” i ddenu aelodau, ond mae’n pryderu bod “dim amser” â phobol yn awr, a bod gwell gan bobol ifanc gynnal digwyddiadau eu hunain mewn tafarndai.

Y gymdeithas

Mae’r gymdeithas yn cyfarfod hyd at bum gwaith y flwyddyn i giniawa, ac mae ambell un yn rhugl yn y Gymraeg – gydag Eluned Bevan ei hun wedi dysgu’r iaith i sawl aelod.

Ar un adeg, roedd ganddyn nhw 100 o aelodau, gyda nifer tebyg hefyd yn aelodau o gapel Cymreig Perth. Bellach dim ond 34 aelod sydd gan y gymuned, ac 20 yn unig yn mynd i’r capel.

Mae Eluned Bevan hefyd yn tynnu sylw at gymanfa ganu flynyddol y capel a ddenodd 300 o bobol y llynedd, ond mae’n cydnabod bod y ffigwr yma yn is na phan oedd y gymuned ar ei hanterth.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?