Cynhyrchu injan newydd y Toyota Auris yng Nglannau Dyfrdwy

 

Llun: www.toyota.co.uk

Mae’r cwmni ceir, Toyota, wedi cyhoeddi y bydd y rhan fwyaf o’r injanau ar gyfer y Toyota Auris newydd yn cael eu hadeiladu yng Nglannau Dyfrdwy.

Daw’r cyhoeddiad hwn wrth i’r cwmni ddatgelu y bydd y car newydd yn cael ei greu yn eu ffatri yn Burnaston, Sir Derby, lle mae Toyota wedi buddsoddi £240m dros y flwyddyn ddiwethaf yn adnewyddu’r safle – gyda’r Llywodraeth hefyd yn cyfrannu £20m.

Fe fydd y mwyafrif o injanau’r car wedyn yn cael eu darparu gan ffatri’r cwmni yng Nghlannau Dyfrdwy, sy’n cyflogi dros 500 o bobol.

Marchnad Ewropeaidd yn “hanfodol”

Yn ôl pennaeth Toyota, Dr Johan Van Zyl, mae’r cyhoeddiad hwn yn adlewyrchu’r “hyder” sydd gan y cwmni yn sgiliau eu gweithwyr yn y Deyrnas Unedig.

“Fel cwmni, ry’n ni’n gwneud y gorau ag y gallwn ni i sicrhau cystadleuaeth ein gweithfeydd yn y Deyrnas Unedig fel y ganolfan gynhyrchu fwyaf yn ein busnes yn Ewrop,” meddai.

“Gyda tua 85% o’r ceir sy’n cael eu cynhyrchu yn y Deyrnas Unedig yn cae eu hallforio i farchnadoedd Ewropeaidd, mae masnach rydd a chadarn rhwng y Deyrnas Unedig ac Ewrop yn hanfodol ar gyfer llwyddiant y dyfodol.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?