Ympryd myfyriwr dros ddatganoli darlledu yn dod i ben heddiw

Diweddarwyd am  
Llun pen ac ysgwydd o Elfed Wyn Jones gyda llun o bencadlys S4C yn gefndir

Elfed Wyn Jones sy’n ymprydio tros ddatganoli’r cyfrifoldeb am ddarlledwyr fel S4C

Llun S4C: John Lord CCA2.0

Fe fydd ymgyrchydd iaith sydd wedi mynd heb fwyd ers wythnos, yn dod â’i ympryd i ben o flaen y Senedd ym Mae Caerdydd heddiw (Chwefror 27).

Mae Elfed Wyn Jones, ffermwr o Drawsfynydd, wedi bod yn ymprydio am y saith diwrnod diwethaf er mwyn pwyso ar Lywodraeth San Steffan i ddatganoli pwerau darlledu i Gymru.

Fe fydd yn ymddangos o flaen y Senedd heddiw ddiwrnod cyn dadl ar y mater, ac mae’r ymgyrchydd hefyd yn gobeitho cyflwyno llythyr o apêl i’r Gweinidog Darlledu Llywodraeth Cymru, Dafydd Elis-Thomas.

“Mater tyngedfennol”

“Dw i wir yn teimlo bod y mater yma’n dyngedfennol i’n democratiaeth ni yng Nghymru,” meddai.

“Os nad ydi pobol yn cael y ffeithiau cywir am y bobol sy’n gwneud penderfyniadau yn ein henw ni, os nad ydyn ni’n dallt sut maen nhw’n cael eu llywodraethu, mae democratiaeth Cymru dan fygythiad difrifol.

“Ar hyn o bryd mae llai na hanner y boblogaeth yn sylweddoli mai’r Senedd yng Nghaerdydd sy’n rheoli iechyd, er gwaethaf ugain mlynedd o ddatganoli.

“Er mwyn sicrhau atebolrwydd a chraffu digonol ar ein gwleidyddion, mae’n rhaid i benderfyniadau am ddarlledu yng Nghymru gael eu gwneud yng Nghymru.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?