Pwyllgor yn galw am “gryn newid” i raglen gofal plant

Diweddarwyd am  

Llun CC0 trwy www.pixabay.com

Mae angen “cryn newid” i raglen gan Lywodraeth Cymru sy’n targedu plant o gefndiroedd difreintiedig, yn ôl Aelodau Cynulliad.

Mae’r Pwyllgor Plant, Pobol Ifanc ac Addysg, wedi dod i’r casgliad nad yw’r prosiect ar waith mewn ardal ddigon eang, gan olygu bod “nifer sylweddol” o blant wedi’u neilltuo.

Yn ogystal â hynny, mae £600m wedi’i fuddsoddi yn y prosiect ers ei sefydlu yn 2007, ond yn ôl y pwyllgor, “prin yw’r dystiolaeth gadarn” ei fod wedi gwella bywydau plant a rhieni.

Mae rhaglen ‘Dechrau’n Deg’ yn darparu gofal i blant rhwng 2-3 oed mewn ardaloedd “mwyaf difreintiedig Cymru” ac yn cael ei hystyried yn “brif flaenoriaeth” gan y Llywodraeth.

Angen “hyblygrwydd”

“Rydym yn croesawu gwaith caled y rheiny sy’n darparu gwasanaethau Dechrau’n Deg ledled Cymru,” meddai Cadeirydd y Pwyllgor Plant, Pobol Ifanc ac Addysg, Lynne Neagle.

“Serch hynny, gyda’r rhan fwyaf o’r plant sy’n byw mewn tlodi y tu allan i ardaloedd Dechrau’n Deg, rydym yn credu bod angen rhagor o hyblygrwydd i alluogi’r rhaglen i gyrraedd y sawl sydd â’r mwyaf o angen.”

“Sicrhau’r dechrau gorau”

Mae Llywodraeth Cymru wedi croesawu’r adroddiad, ac wedi nodi bod “sicrhau’r dechrau gorau posib i blant yn eu bywydau, yn brif flaenoriaeth”.

“Yn 2016/17 fe elword dros 37,600 plentyn o wasanaethau Dechrau’n Deg, a wnawn ni barhau i gefnogi cymaint o deuluoedd ag sy’n bosib trwy’r rhaglen,” meddai llefarydd ar ran y Llywodraeth.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?