Unigolion yn y Blaid Lafur yn tanseilio ymchwiliad – honiad cyn-Weinidog

Diweddarwyd  
Llun pen ac ysgwydd o Leihgton Andrews ar gefndir gwyn

Leighton Andrews, y cyn-Weinidog yn Llywodraeth Cymru

Llun: Cynulliad Cenedlaethol Cymru CC0 trwy Commons Wikimedia

Mae un o’r prif dystion yn yr ymchwiliad i honiadau fod y Prif Weinidog wedi torri Cod y Gweinidogion yn honni fod yna ymgais fwriadol i danseilio pobol sydd wedi siarad o blaid y cyn-Weinidog Carl Sargeant.

Mae Leighton Andrews, cyn-Weinidog yn y Llywodraeth, yn dweud bod rhywrai wedi bod yn gofyn cwestiynau rhyddid gwybodaeth “maleisus” amdano gyda’i gyflogwyr a bod gweision cyhoeddus eraill wedi diodde’ mewn ffordd debyg.

Mae wedi cyhoeddi peth o’r dystiolaeth mewn blog gan ddyfynnu rhai o’r cwestiynau sy’n holi am ei gysylltiadau â’r cyfryngau – gan gynnwys cylchgrawn Golwg – ac am wrandawiadau disgyblu y mae wedi bod yn rhan ohonyn nhw.

‘Unigolion nid y blaid’

“Dw i’n methu â dweud â sicrwydd pwy sydd y tu ôl i hyn,” meddai wrth golwg360 heddiw. “Ond yr hyn dw i yn ei wybod ydy bod llawer o bobol wedi’u targedu mewn modd eitha’ annifyr yn ddiweddar. Ac mae’n ymddangos bod yna batrwm.”

Er nad oedd yn amau’r Blaid Lafur “fel sefydliad”, roedd yn amau bod “unigolion” ynddi yn gyfrifol – “rhaid i’r ymosodiadau beidio ac mae’n rhaid i gymrodyr yn Llafur Cymru wneud yn siŵr eu bod nhw.

“Dw i wedi rhoi gwybod yn rheolaidd i gadeirydd Llafur Cymru am yr ymosodiadau arna’ i a dw i’n ddiolchgar iddo am ei agwedd gefnogol,” meddai Leighton Andrews.

“Mae’n niweidiol iawn i ddatganoli, i enw da Llafur Cymru ac i enw da Llywodraeth Cymru.”

Mae Golwg360 wedi gofyn am ymateb y Blaid Lafur – mae’r Cadeirydd wedi cael ei ddyfynnu yn y wasg yn dweud y byddai’n barod i ymchwilio’n llawn i unrhyw gwyn.

Y dystiolaeth

Roedd yn gwrthod dweud pwy oedd wedi eu targedu – yn y blog, mae’n sôn am “nifer o weision cyhoeddus” – ond fe gadarnhaodd wrth golwg360 mai “bygythiadau seicolegol” oedd y rhain.

Mae’n sôn am lythyrau “maleisus a dienw” at gyflogwyr ac, yn ei achos ef ei hun, y ceisiadau Rhyddid Gwybodaeth at ei gyflogwyr, Prifysgol Caerdydd.

“Yn fy marn i,” meddai yn y blog, “mae’r ceisiadau Rhyddid Gwybodaeth hyn yn faleisus ac wedi’u bwriadu i danseilio fy enw da a fy nifrïo.”

Mae Leighton Andrews yn dweud ei fod wedi cynnwys deunydd gan bobol sy’n amharod i roi tystiolaeth yn ei gyflwyniad ef ei hun i’r ymchwiliad sy’n ystyried a oedd y Prif Weinidog Carwyn Jones wedi camarwain y Cynulliad trwy wadu bod honiadau o fwlio wedi’u gwneud yn erbyn rhai yn ei Lywodraeth.

Mae hefyd wedi cefnogi barn pobol sy’n anghyfforddus am fod yr ymchwiliad yn digwydd yn adeiladau Llywodraeth Cymru.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones