Nicola Sturgeon: ‘Dim ildio tros bwerau’r Alban – na Chymru’

Diweddarwyd  
Nicola Sturgeon o flaen darllenfa a dau feic

Nicola Sturgeon

Llun: Vimeo trwy Commons Wikimedia

Mae Llywodraeth yr Alban wedi rhybuddio bod amser yn brin iddyn nhw a Llywodraeth Cymru gytuno ar drefniadau Brexit gyda’r Llywodraeth yn Llundain.

Ac maen nhw wedi gwneud yn glir na fyddan nhw’n ildio ym mrwydr y ddwy wlad i wneud yn siŵr na fydd pwerau’n cael eu “cipio” gan Lywodraeth y Deyrnas Unedig.

Fe fydd cyfarfod ddydd Iau rhwng y gwahanol arweinwyr ac Ysgrifennydd Brexit, David Davis, er mwyn ceisio setlo’r anghydfod, gyda Llywodraethau Cymru a’r Alban yn mynnu bod rhaid i’r holl rymoedd perthnasol sy’n dod yn ôl o Ewrop gael eu datganoli ar unwaith.

‘Popeth yn ôl’

“Dydyn ni ddim yn barod i dderbyn bargen sy’n peryglu neu’n torri ar draws y trefniant datganoli presennol,” meddai llefarydd ar ran Prif Weinidog yr Alban, Nicola Sturgeon.

“Mae ein safbwynt yn union fel o’r blaen, fod yr holl bwerau datganoledig sydd ar lefel Ewropeaidd yn cael eu datganoli yma.”

Mae Llywodraeth yr Alban yn cyhuddo’r Llywodraeth Geidwadol yn Llundain o fethu â chadw addewid i newid y Mesur Ymadael – ar hyn o bryd, mae’n sôn am symud pwerau i Lundain i ddechrau ac wedyn i’r llywodraethau yn y gwledydd unigol.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?