Achosion o’r ffliw yn gostwng… ond yn parhau’n uchel

 

Llun: CC0

Roedd nifer yr achosion o’r ffliw yng Nghymru wedi gostwng yr wythnos diwethaf, yn ôl corff Iechyd Cyhoeddus Cymru (ICC).

Ond, er hynny, mae’r lefelau yn parhau’n uwch na’r lefelau gafodd eu cofnodi yn ystod y chwe blynedd diwethaf, yn ôl y corff.

Yn ôl ICC mae achosion newydd yn dal i gael eu cofnodi ac mae’n “bwysig dal ati i gymryd camau i atal ei ledaenu.”

Mae’r corff yn cynnig cyngor ar sut i leihau’r perygl o ledu’r firws trwy ddilyn y tri cham canlynol:

  • pesychu neu disian i hances bapur bob tro;
  • taflu’r hances ar ôl ei ddefnyddio;
  • golchi dwylo neu ddefnyddio glanweithydd llaw i ladd unrhyw firysau ffliw.

Ystadegau

Mae’n debyg bod mwy o bobol yng Nghymru wedi cael brechiad y ffliw eleni nag erioed o’r blaen, gyda 20,000 wedi’u brechu ym mis Ionawr yn unig.

Yn ystod ail wythnos Chwefror gwnaeth 44.3 o bob 100,000 o’r boblogaeth gael diagnosis am salwch tebyg i ffliw – cwymp o gymharu â 53.0 o bob 100,000, yn ystod yr wythnos flaenorol.

Cyngor meddygol

“Does dim rhaid i’r rhan fwyaf o bobl gysylltu â’u meddygfa os ydyn nhw’n meddwl bod ganddyn nhw’r ffliw, ond dylai pobol fwy agored i gymhlethdodau gael cyngor buan,” meddai Dr Richard Roberts o ICC.

“Fe ddylai’r rhai sy’n 65 oed neu’n hŷn, pobol â chyflwr iechyd hirdymor, merched beichiog neu rywun sy’n pryderu am blentyn ifanc ofyn am gyngor gan eu meddygfa, ac felly hefyd y rhai y mae eu symptomau’n dirywio neu ddim yn gwella ar ôl wythnos.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed