Ymprydiwr yn “hyderus” wrth gwrdd â Dafydd Elis-Thomas

Diweddarwyd am  
Llun pen ac ysgwydd o Elfed Wyn Jones gyda llun o bencadlys S4C yn gefndir

Elfed Wyn Jones sy’n ymprydio tros ddatganoli’r cyfrifoldeb am ddarlledwyr fel S4C

Llun S4C: John Lord CCA2.0

Mi fydd ffermwr o Drawsfynydd, a fydd yn ymprydio am wythnos er mwyn pwyso am bwerau darlledu i Gymru, yn cwrdd â’r Aelod Cynulliad, yr Arglwydd Dafydd Elis-Thomas, i drafod y mater heddiw.

Ac mae Elfed Wyn Jones, a oedd wedi galw am y cyfarfod yn Nolgellau, yn dweud ei fod yn “hyderus” y bydd yn cael ymateb ffafriol gan ei Aelod Cynulliad lleol.

“Dw i’n hyderus, i ddweud y gwir, am fod Dafydd Elis-Thomas wedi sôn o’r blaen ei fod o’n credu mewn datganoli darlledu, a dw i’n gobeithio neith o gytuno i fynd â’r mater ymlaen yn y Senedd,” meddai’r ffermwr 20 oed wrth golwg360.

“Edrych ymlaen at ddechrau”

Mi fydd Elfed Wyn Jones, sydd hefyd yn fyfyriwr ym Mhrifysgol Aberystwyth, yn cychwyn ar yr ympryd yfory (dydd Mawrth, Chwefror 20), a hynny er mwyn pwyso am ddatganoli pwerau darlledu i Gymru.

“Dw i’n gobeithio bydd o’n llwyddiant,” meddai eto. “Dw i’n edrych ymlaen at weld beth fydd ymateb y gwleidyddion a’r bobol gyffredin.

“Dw i jyst yn barod i ddechrau.”

Fe fydd yn treulio’r rhan fwyaf o’r saith diwrnod heb fwyd yn swyddfa Cymdeithas yr Iaith yn Aberystwyth.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?