Sais yn newid ei enw Twitter ar ôl beirniadu’r Gymraeg

Diweddarwyd  
Arwydd 'Slow/Araf'

Arwydd ‘Slow/Araf’

Llun: Adrian Pingstone trwy Gomin Wicimedia

Mae dyn o Loegr oedd wedi beirniadu’r Gymraeg ar Twitter yn ystod gwyliau yng Nghymru wedi newid ei enw ar y wefan gymdeithasol i gyfleu’r neges “meddyliwch cyn i chi siarad”.

Mewn neges yn beirniadu arwyddion dwyieithog, dywedodd Lee Halford o Swydd Middlesex yn ei neges wreiddiol: “Sais ar ei wyliau ar hyn o bryd yng Nghymru. Dw i’n cael yr arwyddion dwyieithog yn beryglus. Mae’n cymryd dwywaith mor hir i fi eu darllen nhw ac erbyn hynny, mi allwn i fod wedi achosi damwain. Dw i ddim ychwaith yn gweld pam, fel Sais, fod rhaid i fi ariannu’r Gymraeg.”

Mae e bellach wedi dileu’r neges ar ôl cael ei feirniadu’n helaeth mewn degau o negeseuon, ac wedi trydar ddoe: “Neges i fi fy hun – cofia bob amser i ddefnyddio’r ymennydd cyn trydar!”

Erbyn heddiw, mae wedi newid ei enw ar Twitter i ‘Think-before-you-speak’ a’i handlen bellach yw @Thinkdonttweet1.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed