Clywed caneuon Cymraeg ar Radio Wales yn “galonogol”, meddai DJ

Diweddarwyd  

Huw Stephens

Llun: Llywodraeth Cymru

Mae DJ sy’n darlledu yn Gymraeg ac yn Saesneg yn dweud ei bod hi’n “galonogol” i glywed BBC Radio Wales yn chwarae cerddoriaeth Gymraeg ar Ddydd Miwsig Cymru (ddydd Gwener diwethaf, Chwefror 9) – a bod angen rhoi “clod” i’r orsaf am wneud.

Wythnos yn union ers y digwyddiad sy’n codi ymwybyddiaeth o gerddoriaeth Gymraeg, mae BBC Cymru wedi cadarnhau wrth golwg360 bod 17 cân Gymraeg ei hiaith wedi cael ei chwarae ar Radio Wales ar Ddydd Miwsig Cymru, ynghyd ag un ddwyieithog, sef ‘International Velvet’ gan Catatonia

“Mae rhaglenni gan Bethan Elfyn ac Adam Walton wastad wedi bod yn wych yn chwarae cerddoriaeth iaith Gymraeg ar Radio Wales,” meddai Huw Stephens wrth golwg360.

“Ond yn fwy diweddar mae Radio Wales wedi chwarae mwy nag erioed o’r blaen. Mae angen rhoi clod i BBC Radio Wales am chwarae caneuon yn yr iaith Gymraeg i gynulleidfa sydd, efallai, ddim wedi clywed e o’r blaen.”

Angen mwy o  ganeuon Cymraeg?

Ond wrth holi DJ Radio Cymru a Radio 1 os oes digon o gerddoriaeth Gymraeg yn cael ei chwarae ar orsafoedd Saesneg yng Nghymru, mae’n diolch bod Radio Cymru ar gael i wneud hynny.

“Dw i wastod wedi meddwl y dyle cerddoriaeth Gymraeg gael eu chwarae yng Nghymru,” meddai.

“Mae gyda ni BBC Radio Cymru, a does dim angen dweud, mae’n Ddydd Miwsig Cymru bob dydd ar BBC Radio Cymru. Ond mae’n galonogol iawn gweld Radio Wales yn chwarae traciau.”

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?