Cymru’n dod yn rhan o ‘chwyldro’ iechyd

Diweddarwyd am  
Dau wyddonydd yn edrych ar luniau DNA ar sgrin olau

Darllen DNA

Llun: Sefydliad Canser Cenedlaethol

Fe fydd 420 o bobol yng Nghymru yn cymryd rhan mewn prosiect ledled y Deyrnas Unedig i ddatblygu ffyrdd o drin rhai o’r clefydau mwya’ prin.

Fe fydd gwyddonwyr yn mapio’u genynnau nhw yn y gobaith o allu adnabod y clefydau’n well neu o ddatblygu triniaethau newydd.

Fe fydd Canolfan Meddygaeth Genomeg gynta’ Cymru’n cael ei sefydlu yn Ysbyty Athrofaol Cymru, Caerdydd ar ôl cael £2.4 miliwn gan Lywodraeth Cymru ac £1 miliwn gan y Cyngor Ymchwil Meddygol.

Cymru’n ‘rhan o chwyldro’

Fe fydd dilyniannau genom cyfan yn cael eu gwneud ar y 420 o gleifion yng Nghymru trwy gytundeb rhwng Bwrdd Iechyd Prifysgol Caerdydd a’r Fro, Prifysgol Caerdydd a Genomics England, sy’n cynnal y prosiect.

“Wrth ymuno â’r rhaglen clefydau prin sy’n rhan o’r Prosiect 100,000 o Genomau, mae Cymru wedi rhoi ei hunan wrth galon chwyldro meddygaeth genomeg a fydd yn gwella canlyniadau i gleifion yn sylweddol,” meddai Prif Wyddonydd Genomics England, yr Athro Mark Caulfield.

“Fe fydd hefyd yn ysgogi mwy o ddarganfyddiadau cyffrous ac yn sbardun ar gyfer diwydiant genomeg a fydd yn ar flaen y gad ar lefel fyd-eang.”

‘Cyffrous ac arloesol’

Erbyn diwedd 2018, mae Prosiect 100,000 o Genomau am greu dilyniannau genom gan 100,000 o bobol ag afiechydon prin a dioddefwyr canser a’u teuluoedd.

“Rydyn ni wrth ein boddau bod Cymru wedi ymuno â’r Prosiect 100,000 o Genomau,” meddai Vaughan Gething, yr Ysgrifennydd Iechyd.

“Drwy gydweithio â Genomics England, bydd cleifion ag afiechydon prin yng Nghymru yn gallu elwa ar y prosiect cyffrous ac arloesol hwn, sydd â’r potensial i ddod â diagnosis cyflymach, sy’n fwy cywir.”

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?