Myfyriwr am ymprydio tros gael pwerau darlledu i Gymru

Diweddarwyd  
Llun pen ac ysgwydd o Elfed Wyn Jones gyda llun o bencadlys S4C yn gefndir

Elfed Wyn Jones sy’n ymprydio tros ddatganoli’r cyfrifoldeb am ddarlledwyr fel S4C

Llun S4C: John Lord CCA2.0

Mae myfyriwr  a ffarmwr 20 oed o Drawsfynydd wedi dweud wrth golwg360 ei fod yn barod i “frwydro nes bwrw’r maen i’r wal” er mwyn sicrhau pwerau tros ddarlledu i Gymru.

Fe fydd Elfed Wyn Jones, mab fferm, yn mynd heb fwyd am saith niwrnod o ddydd Mawrth yr wythnos nesa’ er mwyn pwyso am ddatganoli pwerau darlledu i Gymru.

Daw’r brotest ar drothwy cyhoeddi adroddiad adolygiad annibynnol o S4C, sydd i fod i ystyried datganoli pwerau tros ddarlledu o San Steffan i Fae Caerdydd.

‘Dim ond dŵr tap’

Dywedodd Elfed Wyn Jones y byddai ymprydio’n “anodd” ac mai “dim ond dŵr tap” y byddai’n ei yfed: “Fydda i’n gweld isio popeth o fy mhowlen uwd yn y bore i fy nhaten trwy’i chroen gyda’r nos.

“Ond wrth feddwl am beth fydd hyn yn ei gyflawni ar gyfer pobol Cymru – gwell ddemocratiaeth, gwybodaeth gliriach, gwell teledu yn Gymraeg ac yn Saesneg, fydd hynny’n rhoi cryfder i fi frwydro nes bwrw’r maen i’r wal.”

Rydw i’n gobeithio y bydd fy ngweithred yn dangos mor ddifrifol yw’r angen i gael rheolaeth yng Nghymru ar ddarlledu.

“O ddiffyg presenoldeb y Gymraeg ar radio masnachol, teledu lleol a’r toriadau difrifol i S4C i’r diffyg cynnwys Cymreig yn y cyfryngau, mae’n glir nad yw Llundain yn rheoli y cyfryngau er budd pobol Cymru.

“Dydan ni ddim yn gweld y persbectif Cymreig yn ein newyddion a’n gorsafoedd darlledu.

Mae hyn hefyd yn ein rhwystro rhag datblygu sianeli a ffrydiau i ddatblygu mwy o sianeli a gorsafoedd Cymraeg, ac mae’r diffyg parch at yr iaith gan y BBC yn amlycach fyth.”

  • Roedd datganoli pwerau tros gyllido darlledu’n un o argymhellion Comisiwn Silk yn 2013. Ar hyn o bryd, mae mwy na 50 o bobol yn gwrthod talu am eu trwydded deledu fel rhan o’r ymgyrch.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed