Ymgyrch i ddod â Chymro adre’ o’r ysbyty yn Bangkok

Diweddarwyd am  
Llun du a gwyn o wyneb Ifor Glyn

Ifor Glyn

Llun: o dudalen yr ymgyrch ar gofundme.com (bring ifor home)

Mae ymgyrch ar droed i ddod â Chymro adre o Bangkok lle mae wedi bod yn yr ysbyty ers dechrau mis Ionawr ddychwelyd adre’.

Fe fu Ifor Glyn, sy’n adnabyddus am ei waith ym maes cyffuriau yn Abertawe, yn ddifrifol wael ers Ionawr 4, ac fe fu ei fam a’i chwaer wrth erchwyn ei wely bron ers iddo gael ei gludo i’r ysbyty.

Mae ei frawd wedi teithio yno am yr ail waith ar ôl i’w gyflwr waethygu dros y penwythnos ac mae ffrindiau  a theulu wedi dechrau ymgyrch i godi £40,000 i’w hedfan adre’. Mae mwy na £2,500 wedi’u cyfrannu eisoes.

Cwmni yswiriant yn gwrthod

Mae’r teulu’n dweud eu bod wedi gorfod dechrau’r ymgyrch ar ôl i gwmni yswiriant Ifor Glyn wrthod talu am ambiwlans awyr i’w gario i Gymru.

Mae tudalen Go Fund Me y teulu’n dweud eu bod nhw “wedi cyrraedd pen eu tennyn wrth geisio ymdrin â sefyllfa sydd eisoes yn drawmatig”.

Fe ddywedodd un o’r ffrindiau sydd wedi sefydlu’r apêl ar ran y teulu fod y dasg yn “her” ond “gyda’n gilydd” bod modd dod ag Ifor Glyn adre’ a lleihau’r baich ar ei deulu

“Fel ffrind agos i’r teulu, rwy’n credu bod hon yn sefyllfa ofnadwy gan fy mod i’n gwybod mai’r unig ffordd y mae modd codi’r arian fyddai drwy elwa ar gynilon oes, ailforgeisio eiddo a.y.b. sydd mor drist ac yn anghywir o gofio bod Ifor wedi sicrhau, gyda phob ewyllys da, fod ganddo fe yswiriant teithio.”

Gweithio i leddfu problem cyffuriau

Ac yntau’n wreiddiol o Flaenau Ffestiniog,  fe ddechreuodd Ifor Glyn weithio gyda Phrosiect Cyffuriau Abertawe yn 1990, gan ddod yn gyfarwyddwr ar y prosiect yn ddiweddarach.

Aeth o’r fan honno i sefydlu gwasanaeth tebyg yng Nghaerffili cyn dychwelyd i Abertawe yn 2007 i fod yn Brif Weithredwr ar y Prosiect Cyffuriau.

Canolbwynt ei waith yw lleihau’r niwed y mae cyffuriau ac alcohol yn ei achosi i unigolion a chymunedau, sef un o brif amcanion y prosiect, sydd bellach yn cael ei alw’n Sands Cymru.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?