“Mae wedi dinistrio fy nghorff” – model a’i brwydr i fod yn faint 6-8

Diweddarwyd am  

Nia Marshalsay-Thomas o Aberystwyth ar raglen Ein Byd

Llun: S4C

Mae model a chyflwynydd teledu o Aberystwyth wedi sôn am y tro cyntaf am y pwysau wnaeth hi deimlo tra’n gweithio yn y diwydiant ffasiwn a sut wnaeth hi droi at gamddefnyddio lacsatifs er mwyn colli pwysau.

Yn ôl Nia Marshalsay-Thomas, sy’n siarad ar y rhaglen Ein Byd ar S4C heno (Chwefror 13) mae’r blynyddoedd o gamddefnyddio lacsatifs wedi “dinistrio” ei chorff.

Fe ddechreuodd fodelu dros ddeng mlynedd yn ôl ar ôl ennill cystadleuaeth mewn cylchgrawn priodas. Ers hynny, mae ei gyrfa wedi amrywio o’r catwalk i waith masnachol.

“Meintiau’r ffrogiau oedd 6-8, ond maint 8-10 ydw i,” meddai Nia Marshalsay-Thomas. “Ro’n i’n teimlo mai fi oedd y ferch fwyaf yno. Fe wnes i adael yn teimlo’n isel iawn. Ro’n i’n teimlo fel eu bod nhw’n ceisio cuddio fy nghorff o dan y ffrogiau mawr. Roedd cywilydd arna’ i.

“Fe ddechreuais i drwy gymryd un (lacsatif) bob diwrnod. Yna, pan ddaeth fy nghorff yn gyfarwydd â hynny a pheidio gweithio, fe gynyddais i’r ddôs nes bod fy nghorff yn hollol ddibynnol arnyn nhw.”

Bob dydd

Ar ôl i’r lacsatifs roedd hi’n eu prynu beidio cael effaith arni, bu’n rhaid i Nia Marshalsay-Thomas fynd at y doctor, ac fe ddaeth hi i’r amlwg fod ei chorff bellach yn ddibynnol ar lacsatifs. Ers hynny, mae ganddi bresgripsiwn am lacsatifs ac mae’n rhaid iddi eu cymryd ddwywaith y dydd, bob dydd.

“Mae hyn yn rheoli fy mywyd bellach – mae’n embarrassing,” meddai. “Os af i rywle, mae’n rhaid i fi ddod â’r lacsatifs gyda fi. Mae wedi cael effaith anferth ar fy mywyd ar ôl deng mlynedd.”

Mae hi bellach yn cael ei chynrychioli gan asiantau ym Manceinion a Sheffield ac yn dweud ei bod hi’n teimlo’n llawer hapusach yn gwneud gwaith masnachol i gwmnïau fel Jaguar Land Rover, Clogau, a Dyfed Menswear.

Ei gobaith yw y bydd eraill yn medru dysgu o’i phrofiad a bod yn hapus yn eu crwyn eu hunain, yn hytrach na theimlo’r pwysau i gydymffurfio â syniad o “berffeithrwydd”.

“Petawn i wedi sylweddoli’n gynt fy mod i’n medru gwneud hyn oll drwy dderbyn fi fy hun, yn hytrach na cheisio newid ar gyfer y diwydiant, fyswn i byth wedi gwneud yr hyn wnes i a byddai fy nghorff yn dal i weithio fel y dylai.”

 

Ein Byd, (rhaglen ITV ar S4C), 9.30yh

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?