Cyn-Aelod Cynulliad wedi’i benodi i “ehangu” addysg Gymraeg

Diweddarwyd am  

Aled Roberts

Mae’r cyn-Aelod Cynulliad, Aled Roberts, wedi’i benodi gan Lywodraeth Cymru i ehangu’r ddarpariaeth o addysg Gymraeg oddi fewn i awdurdodau lleol.

Mae’r Cynlluniau Strategol Cymraeg mewn Addysg wedi’u cyflwyno i Lywodraeth Cymru gan gynghorau sir, gyda’r cynlluniau’n cynnwys targedau gan bob un ar gyfer pob un ar gyfer datblygu addysg Gymraeg yn eu hardaloedd.

Cafodd y cynlluniau cyntaf ar gyfer y cyfnod 2014-17 eu cyflwyno ym mis Rhagfyr 2013, a’r ail gynlluniau ar gyfer 2017-20 ym mis Rhagfyr 2016.

Yn dilyn hynny, cafodd asesiad llawn o’r cynlluniau eu cynnal, gyda’r llywodraeth yn dod i’r casgliad nad oedden nhw’n mynd yn ddigon pell i sicrhau twf digonol mewn addysg Gymraeg.

Cafodd Aled Roberts ei benodi wedyn gan Weinidog y Gymraeg ar y pryd, Alun Davies, i gynnig argymhellion ar gyfer y cynlluniau, ac mae bellach wedi’i benodi ar gyfer y flwyddyn nesaf i weithredu’r argymhellion hynny. Fe fydd bwrdd cynghori annibynnol yn cael ei sefydlu hefyd.

Creu “Cymru wirioneddol ddwyieithog”

“Mae strategaeth Cymraeg 2050 yn diffinio uchelgais y Llywodraeth ar gyfer dyfodol ein hiaith,” meddai Aled Roberts.

“Mae’n cydnabod y rôl hanfodol y bydd y blynyddoedd cynnar ac addysg yn ei chwarae wrth gyflawni ein hamcanion.”

“Dw i’n edrych ymlaen at gael ymgymryd â’r rôl hon ac fe fydda i’n gweithio’n ddiflino gydag eraill i greu’r newid sydd ei angen fel bod ein pobl ifanc yn cael y cyfle i ddysgu a gweithio mewn Cymru wirioneddol ddwyieithog.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?