“Poen yn rhan o alaru,” meddai Jack Sargeant

 
Jack Sargeant

Jack Sargeant

Llun: golwg360

Mae Aelod Cynulliad newydd Alun a Glannau Dyfrdwy wedi dweud bod “poen yn rhan o alaru”, wrth drafod marwolaeth ei dad, cyn-Weinidog Cymunedau Llywodraeth Cymru, Carl Sargeant.

Fe fu’n siarad â rhaglen Sunday Supplement ar Radio Wales, ddyddiau’n unig ar ôl iddo gael ei ethol yn olynydd i’w dad, fu farw ym mis Tachwedd.

Cafwyd hyd i gorff Carl Sargeant yng Nghei Connah ar ôl iddo gael gwybod ei fod yn wynebu ymchwiliad i’w ymddygiad rhywiol at fenywod, ymchwiliad a arweiniodd at ei ddiswyddo o Lywodraeth Cymru.

Mae disgwyl i ymchwiliad i’r ffordd y cafodd ei ddiswyddo gael ei gynnal maes o law.

Rhesymau dros sefyll

Wrth egluro’i benderfyniad i frwydro am sedd ei dad, dywedodd yr Aelod Cynulliad Llafur ei fod e eisiau “parhau â’r gwaith caled a’r gwaddol adawodd fy nhad ar ei ôl, a’r gwasanaeth a ddarparodd i gymuned Alun a Glannau Dyfrdwy”.

Ychwanegodd ei fod e am “sefyll i fyny dros bobol oedd wedi sefyll i fyny drosof fi a fy nheulu yn ystod adeg fwyaf anodd ein bywydau”.

Serch hynny, mae’n mynnu ei fod e’n “unigolyn” a bod ganddo fe ei sgiliau ei hun, a bod “rhaid symud ymlaen”.

 

 

“Dyma’r cam cyntaf,” meddai.

“Mae llawer o bobol ar garreg y drws ac ar draws y gymuned yn teimlo llawer o boen. Mae poen yn rhan o alaru ac mae poen yn rhan o’r broses o alaru.”

Tensiwn

Dywedodd Jack Sargeant fod yna “densiwn” o fewn y Blaid Lafur yn ystod yr ymgyrchu, a’u bod yn wynebu “amgylchiadau anodd” yn sgil yr ymchwiliad yn dilyn marwolaeth ei dad.

Doedd Prif Weinidog Cymru, Carwyn Jones ddim yn yr etholaeth yn ystod yr ymgyrchu, ac fe gadwodd e draw o angladd Carl Sargeant.

Dywedodd Jack Sargeant mai “ymgyrch leol” oedd ei ymgyrch i fod yn Aelod Cynulliad.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?