Ffrae perchnogion newydd tafarn Y Mochyn Du

Diweddarwyd am  

Y Mochyn Du yn 2016

Mae tafarn newydd ar safle’r Mochyn Du yng Nghaerdydd, wedi tynnu nyth cacwn yn ei ben ar ôl enwi cwrw yn ‘Mockyn Du’ a’i roi dan yr enw “cwrw Seisnig”.

Mae’r cwmni o Loegr, Brewhouse and Kitchen, sydd wedi prynu’r dafarn, bellach wedi ymddiheuro am y camsillafiad. Ond mae’n dal i lynu wrth y disgrifiad “English style ale” am ei fod yn “Session Bitter” sy’n gwrw Seisnig, yn ôl y cwmni.

Mae’r mater wedi creu stŵr ar Twitter gyda llawer yn cwyno bod y brifddinas wedi colli tafarn unigryw Gymreig i gadwyn ‘digymeriad a diflas’.

Ond mae Brewhouse and Kitchen yn mynnu ei bod yn wahanol gan ei bod yn bragu ei chwrw ei hun ar y safle a’i bod wedi paratoi gwefan a bwydlen ddwyieithog.

Y Mochyn Du

Roedd tafarn y Mochyn Du ar gyrion gerddi Sophia yn enwog am ei Chymreictod ac am gefnogi’r byd chwaraeon yng Nghymru.

Dafliad carreg oddi wrthi mae Stadiwm SWALEC, Canolfan Genedlaethol Chwaraeon Cymru ac mae hefyd yn gyrchfan boblogaidd adeg gemau rygbi Cymru yng Nghaerdydd.

Ar un adeg roedd yr adeilad yn borthordy i’r castell cyn troi’n swyddfeydd a’i addasu wedyn yn dafarn.

Pan ddaeth cwmni Brewhouse and Kitchen yn berchnogion arni, roedden nhw’n awyddus iawn i bwysleisio y bydden nhw’n cynnal y Cymreictod a’r dwyieithrwydd.

Dicter ar Twitter

https://twitter.com/EfanIfor/status/961361264386760704

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd