Cymraeg yn Nhŷ’r Cyffredin – ‘diwrnod hanesyddol’

Diweddarwyd  
Llun pen ac ysgwydd ar gefndir gwyn

Alun Cairns

Llun: Ceidwadwyr Cymru

Mae’r Aelod Seneddol a arweiniodd yr ymgyrch i gael hawl i siarad Cymraeg yn rhai o gyfarofydd Tŷ’r Cyffredin yn dweud bod y prynhawn yma yn “garreg filltir anferthol”.

Fe gafodd y Gymraeg ei defnyddio am y tro cynta’ yn un o gyfarfodydd yr Uwch Bwyllgor Cymreig, sy’n cynnwys holl ASau Cymru.

Roedd yna areithiau Cymraeg a Saesneg wrth i ASau drafod effaith Cyllideb y llynedd ar Gymru.

“Roedd angen cryn ddycnwch ar ein rhan i hyn ddigwydd,” meddai Susan Elan Jones, AS Llafur De Clwyd ac un o’r ymgyrchwyr a lwyddodd gyda chynnig yn Nhŷ’r Cyffredin fis yn ôl.

“Dw i’n falch o fod wedi cymryd rhan ac o fod wedi derbyn cymaint o gefnogaeth.”

Cairns oedd y cynta’

Y cynta’ i siarad oedd Ysgrifennydd Cymru, Alun Cairns, a ddweyedodd ei fod yn falch o siarad yn Gymraeg a fod hwn yn ddiwrnod “hanesyddol i’r senedd ac i Gymru”.

Roedd wedi cael ei feirniadu ychydig ddyddiau’n ôl pan oedd hi’n ymddangos ei fod wedi ymuno mewn chwerthin yn Nhŷ’r Cyffredin pan ddywedodd yr AS Ceidwadol, Stuart Andrew, ychydig eiriau Cymraeg.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed