Carchar i ddyn o Gasnewydd am werthu cyffur pwerus  

Diweddarwyd  
Llys y Goron Caerdydd

Llys y Goron Caerdydd

Mae dyn o Gasnewydd a fu’n gwerthu’r cyffur pwerus, Fentanyl, i ddegau o bobol trwy gyfrwng y we, wedi’i ddedfrydu i wyth mlynedd o garchar.

Roedd Kyle Enos, 25 oed, wedi bod yn mewnforio’r cyffur o Tsieina, cyn ei werthu i 168 o bobol yn y Deyrnas Unedig, Ewrop a’r Unol Daleithiau trwy gyfrwng marchnad ddu y we, rhwng mis Mai 2016 a Mai 2017.

Cafodd ei arestio ym mis Mai y llynedd.

Dywedodd y Barnwr Eleri Rees yn Llys y Goron Caerdydd fod Fentanyl “25 gwaith” yn fwy pwerus na heroin, a bod o leiaf pedwar o gwsmeriaid Kyle Enos yn y Deyrnas Unedig – dau yng Nghymru – wedi marw ar ôl cymryd y cyffur.

Er nad oedd modd cadarnhau eu bod wedi marw ar ôl cymryd y fentanyl a gafodd ei ddosbarthu gan Kyle Enos, dywedodd y barnwr bod hynny’n “profi pa mor beryglus oedd y cyffur. Roeddech chi’n llawn ymwybodol bod y [cyffur] yn bwerus a’r risg oedd yn gysylltiedig gyda hynny.”

Fe gyfaddefodd Kyle Enos fis Awst y llynedd ei fod wedi bod yn mewnforio, dosbarthu ac allforio Fentanyl.

 

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed