“Rhaid cydweithio ar Brexit” – neges Llundain i Lywodraeth Cymru

Diweddarwyd am  

Cyfarfod ym mis Tachwedd rhwng Carwyn Jones, Alun Cairns ac Ysgrifennydd y Cabinet ar y pryd, Damien Green, tros Brexit

Llun oddi ar gyfrif Twitter Llywodraeth Cymru

Mae un o weinidogion Lloegr yn dod i Gaerdydd heddiw i ddweud wrth Lywodraethau Cymru a’r Alban bod angen iddyn nhw gydweithio gyda Llywodraeth San Steffan tros Brexit.

Fe fydd David Lidington, y Gweinidog Cabinet, yn gobeithio torri dadl tros ddatganoli sy’n bygwth dyfodol y trefniadau i adael yr Undeb Ewropeaidd.

Ond mae’r ddwy lywodraeth arall yn dal i gyhuddo San Steffan o geisio “dwyn grym” oddi ar seneddau Cymru a’r Alban.

‘Gyda’n gilydd’

“Rhaid i ni weithio gyda’n gilydd i ddod o hyd i ffordd gytûn ymlaen,” meddai David Lidington, gan ddweud ei fod yn “edrych ymlaen at y cyfarfod”.

Mae Ysgrifennydd yr Alban hefyd wedi dweud eu bod eisiau dod o hyd i gyfaddawd i ddatrys y ddadl sy’n bygwth dyfodol Mesur Gadael yr Undeb Ewropeaidd.

Fe fydd David Lidington yn cwrdd â’r Prif Weinidog, Carwyn Jones, a Dirprwy Brif Weinidog yr Alban, John Swinney, yn ogystal â’r ddau Ysgrifennydd Gwladol.

‘Torri addewid’

Yn ôl llywodraethau Cymru a’r Alban, fe fyddai’r mesur yn rhoi pwerau Ewropeaidd yn nwylo Llywodraeth Prydain, er eu bod yn ymwneud â materion sydd wedi eu datganoli.

Maen nhw’n mynnu bod Llywodraeth Prydain wedi gwrthod cynigion i newid y mesur ac wedi methu â chadw at addewid i gynnig eu gwelliannau eu hunain.

Dadl y Llywodraeth Geidwadol yn Llundain yw fod angen mesur fel hyn i ddod â phwerau’n ôl i wledydd Prydain er mwyn eu datganoli wedyn.

 

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd