Canmol prosiect sy’n rhoi ‘llais’ Cymraeg i gleifion canser y llwnc

Diweddarwyd am  

Mae Gweinidog y Gymraeg, Eluned Morgan, yn dweud ei bod hi wedi cael eu “hysbrydoli” wrth ymweld â chanolfan sy’n datblygu ‘lleisiau’ Cymraeg ar gyfer dioddefwyr canser y gwddw.

Ar hyn o bryd, dim ond lleisiau synthetig Saesneg eu cyfrwng sydd ar gael i’r rheiny yng Nghymru sydd wedi colli eu llais o ganlyniad i ganser y llwnc.

Ond bwriad y prosiect ‘Lleisiwr’ gan Ganolfan Bedwyr ym Mhrifysgol Bangor yw datblygu llais synthetig Cymraeg er mwyn i gleifion ledled Cymru ei ddefnyddio.

Mae’r prosiect yn gydweithrediad rhwng y ganolfan a Bwrdd Iechyd Betsi Cadwaladr, ac mae wedi derbyn cymorth ariannol gwerth £20,000 gan Lywodraeth Cymru trwy gyfrwng cronfa grant Cymraeg 2050.

“Ysbrydoledig ac addysgiadol”

Ar ôl ymweld â’r ganolfan ddoe (dydd Mawrth, Ionawr 30), mae Eluned Morgan yn dweud ei fod yn brofiad “addysgiadol a hynod ysbrydoledig”.

“Mae fy ngyrfa wedi’i seilio ar fy ngallu i siarad,” meddai, “felly mae’n bosib mod i’n fwy ymwybodol na llawer pa mor frawychus fyddai golli’r gallu hwnnw oherwydd salwch.

“Colled hyd yn oed fwy fyddai colli’r gallu i siarad â fy nheulu a’m ffrindiau yn yr iaith r’yn ni wedi arfer ei siarad bob dydd.

“Rydw i wrth fy modd, felly, fod Prifysgol Bangor a Bwrdd Iechyd Betsi Cadwaladr yn gweithio ar y prosiect Lleisiau Cymraeg ac yn falch iawn bod Llywodraeth Cymru yn cyfrannu at y prosiect.”

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd