Noson yn Ysgol Tywyn er mwyn “creu ethos fwy Cymraeg”

Diweddarwyd am  

Tywyn

Llun parth cyhoeddus

“Creu ethos fwy Cymraeg yn Nhywyn” yw nod noson arbennig sy’n cael ei chynnal yn ne Gwynedd heno.

Mae Ysgol Uwchradd Tywyn yn un o ddwy ysgol – Ysgol Caergybi yw’r llall – sydd yn rhan o brosiect peilot i hyrwyddo targed Llywodraeth Cymru o sicrhau miliwn o siaradwyr Cymraeg erbyn 2050.

Ond mae’r ysgol yn cydnabod mai’r “frwydr fawr” yw hybu defnydd y Gymraeg tu allan i’r ysgol, a thrwy gynnal digwyddiad maen nhw’n gobeithio sicrhau bydd y gymuned oll “ynghlwm â’r prosiect”.

“Be rydan ni eisio ydi i’r gymuned fynd gyda ni ar y siwrne yma i gael miliwn o siaradwyr erbyn 2050,” meddai Helen Schofield, cydlynydd digwyddiad heno.

“Dydi sefyllfa’r Gymraeg o’n cwmpas ddim [o reidrwydd] wedi gwaethygu, ond os fydd y gymuned yn ochri â ni, gall y sefyllfa fod yn lot gwell.”

Rhwng cyfrifiad 2001 a 2011, fe gwympodd nifer y siaradwyr Cymraeg yn Nhywyn o 40.5% o’r boblogaeth i 37.5%. Eleni mae 14.5% o ddisgyblion Ysgol Uwchradd Tywyn o gartrefi Cymraeg.

Meddwl am 2050…

Bydd ‘Noson Rhannu Gweledigaeth Gymraeg 2050’ yn cael ei chynnal yn Neuadd Gymunedol Tywyn rhwng 5.30yp a 7.30yh.

Mae’r ysgol eisoes wedi cynnal sesiynau gloywi iaith i athrawon dan arweinyddiaeth y gyflwynwraig, Bethan Gwanas, ac wedi cael ymweliadau gan gwmni theatr Frân Wen.

Fe fydd yr Athro Mererid Hopwood yn rhoi cyflwyniad ar ymwybyddiaeth iaith, ac mae disgwyl perfformiad gan Côr Meibion Dysynni – côr o ugain o leisiau sy’n cynnwys dwsin o ddysgwyr.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd