Dydd Santes Dwynwen: “Diwrnod o ddathlu i’r teulu”

Diweddarwyd  

Llun o’r teulu Tansley

Llun: Siôn Tansley

Mae Dydd Santes Dwynwen yn ddiwrnod arbennig i gariadon Cymru – ond mae hyd yn oed yn fwy arbennig i un pâr o Geredigion.

Mae Siôn a Rhiannon Tansley yn rhedeg y cwmni, Swshi, o’u cartref yn Llwynygroes, ger Tregaron, lle maen nhw’n paratoi a gwerthu’r bwyd Siapaneaidd mewn gwyliau bwyd ledled Cymru.

Ac union wyth mlynedd yn ôl fe benderfynodd y ddau ddyweddïo ar ôl cwrdd fel myfyrwyr yn y Coleg Cerdd a Drama, Prifysgol Caerdydd.

“Wyth mynedd yn ôl, penderfynes i ofyn i Rhiannon briodi fi, ac fe ddywedodd hi ‘ie’,” meddai Siôn Tansley, sy’n wreiddiol o Eglwys-fach, ger Machynlleth.

“Cerddon ni lan o Gaerdydd i Gastell Coch – roedd hi’n meddwl bo ni jyst yn mynd am wâc – ac fe ofynnes i’r cwestiwn iddi.

“Fe wnaethom ni briodi saith mlynedd yn ôl, ar Ionawr 6.”

“Diwrnod cariad Cymraeg”

Mae Siôn Tansley yn dweud iddo wneud y penderfyniad i ofyn iddi ar Ddydd Santes Dwynwen oherwydd ei fod yn ychwanegu at y “rhamant”.

“Mae Valentine’s Day bach yn cheesy,” meddai eto, “ac ro’n i’n meddwl ei fod e bach yn fwy classy i’w wneud e ar ddydd Santes Dwynwen, gan fod y ddau o ni’n Gymraeg.”

Ac mae’r ddau’n dal i ddathlu’r diwrnod bob blwyddyn, a hynny am resymau hyd yn oed fwy arbennig erbyn hyn…

“Mae pen-blwydd merch ni ar ddydd Santes Dwynwen hefyd, sef Ellie. Mae’n bump oed heddiw, felly r’yn ni’n dathlu bob blwyddyn.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Anrhydeddau Gorsedd y Beirdd 2019