Cangen Plaid Cymru yn datgan “cefnogaeth lawn” i Neil McEvoy

Diweddarwyd  

Neil McEvoy

Llun: Cynulliad Cenedlaethol Cymru CC 2.0

Mae un o ganghennau Plaid Cymru yn y brifddinas wedi cynnal cyfarfod arbennig ac wedi datgan “cefnogaeth lawn” i’r Aelod Cynulliad, Neil McEvoy, a gafodd ei wahardd o grwp Plaid Cymru yn y Cynulliad yr wythnos ddiwethaf.

Roedd Plaid Cymru wedi anfon llythyr at bob un o’i haelodau ddydd Gwener er mwyn ceisio egluro pam fod y berthynas rhwng Aelod Cynulliad Canol De Cymru a gweddill yr Aelodau ym Mae Caerdydd, wedi torri i lawr yn llwyr.

Ond mewn cyfarfod a gynhaliwyd neithiwr (nos Sul, Ionawr 21) mae Cangen Plasmawr yng Nghaerdydd yn cyhoeddi eu cefnogaeth i Neil McEvoy.

“Mae cangen Plasmawr Plaid Cymru yn datgan cefnogaeth lawn i Neil McEvoy fel ein Haelod Cynulliad Rhanbarthol ac Arweinydd grŵp y Blaid ar Gyngor Caerdydd,” meddai’r gangen.

“Yn ogystal â bod yn aelod ffyddlon a gwerthfawr o Blaid Cymru.”

Daw’r datganiad mewn llythyr at Gadeirydd, Arweinydd ac Arweinydd Grŵp Cynulliad Plaid Cymru, sydd yn amlinellu dymuniadau’r gangen.

“Triniaeth ofnadwy”

Ymhlith y dymuniadau yma mae’r galw am “ymchwiliad llawn ac annibynnol i’r driniaeth ofnadwy o Neil McEvoy gan y Blaid a’i Arweinydd”.

Mae’r gangen hefyd yn galw am ymddiheuriad ysgrifenedig llawn i Neil McEvoy gan Gadeirydd ac Arweinydd y Blaid, Leanne Wood ac am ymchwiliad i’r berthynas rhwng Plaid Cymru a chwmni lobïo Deryn.

Mae golwg360 wedi gofyn i Blaid Cymru am ymateb.

 

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed