Defnyddio dŵr o hen bwll glo i wresogi cartrefi

 

Lesley Griffiths

Llun: Cynulliad Cenedlaethol Cymru CC 2.0

 

 Mae pentref yn y Cymoedd yn arwain y ffordd mewn ynni glân, wrth iddyn nhw gyflwyno cynlluniau a fydd yn gweld dŵr o hen bwll glo, sy’n cael ei gynhesu’n naturiol, yn cael ei ddefnyddio i wresogi cartrefi, meddai Llywodraeth Cymru.

Mae pwll glo Caerau ger Penybont-ar-Ogwr wedi bod ynghau gau ers y 1970au, ond fe fydd prosiect newydd yn golygu y bydd dŵr sydd wedi’i gynhesu yn y pwll gan y ddaear yn cael ei ddefnyddio i wresogi’r pentref cyfagos, sy’n cynnwys 150 o gartrefi, eglwys ac ysgol.

Yn ôl arbenigwyr o’r Arolwg Ddaearegol Prydeinig – sydd wedi bod yn archwilio’r hen bwll – mae disgwyl y bydd tymheredd y dŵr tua 20.6 gradd selsiws – sy’n ddigon cynnes i wresogi adeiladau.

Mae’r Ysgrifennydd dros Ynni, Cynllunio a Materion Gwledig yn y Cynulliad, Lesley Griffiths, heddiw wedi cyhoeddi y bydd £6.5 miliwn o nawdd yn cael ei rhoi i’r prosiect.

Fe fydd hefyd yn derbyn cyllideb ychwanegol o £9.4 miliwn o law Llywodraeth San Steffan; y corff annibynnol, Energy Systems Catapult, a Chyngor Bwrdeistref Penybont-ar-Ogwr.

“Etifeddiaeth ein treftadaeth lofaol”

“Ein dymuniad yw bod ein gwlad yn arwain yn rhyngwladol wrth arloesi mewn ynni carbon isel,” meddai Lesley Griffiths.

“Dyma fodel arloesol o gynhyrchu ffynhonnell lân o ynni adnewyddadwy, sy’n tynnu oddi ar etifeddiaeth ein treftadaeth lofaol.”

 

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?