Mae mudiad Clybiau Ffermwyr Ifanc Cymru (CFfI) ymhlith y sefydliadau rhai sy’n cyfarfod â’r Tywysog Harri a’i ddyweddi, Meghan Markle, yng Nghaerdydd y prynhawn yma.
Er iddyn nhw ddioddef oedi o awr wrth deithio ar y trên i’r brifddinas, mae’r pâr wedi dechrau ar eu hymweliad trwy ymweld â Chastell Caerdydd, lle mae cyfle iddyn nhw fwynhau’r hyn sy’n cael ei alw’n “flas ar ddiwylliant, chwaraeon a threftadaeth Gymreig”.
Mae’r digwyddiad hwnnw’n cynnwys perfformiadau gan feirdd a chantorion, ynghyd â chwrdd ag athletwyr a dysgu sut mae gwahanol sefydliadau yn hyrwyddo iaith a hunaniaeth y Cymry. Y Gweinidog Diwylliant, Twristiaeth a Chwaraeon, Dafydd Elis-Thomas, sy’n eu tywys o gwmpas y digwyddiad.
Ac mae’n edrych yn debyg bod dau gynrychiolydd o CFfI Cymru’n bresennol yn y digwyddiad, sef cadeirydd y mudiad, Laura Jane Elliot, ynghyd ag Enlli Pugh o glwb Ffermwyr Ifanc Ysbyty Ifan.
Mae Cadeirydd CFfI Cymru, Laura Jane Elliott ac Enlli Pugh o CFfI Ysbyty Ifan yn Eryri yn cynrychioli CFfI Cymru prynhawn mha i ddigwyddiad cyffrous yng Nghaerdydd i hyrwyddo gwaith y mudiad …!
Tybed pwy a fydd yn ymuno â nhw?!? pic.twitter.com/WuuI3kqKhB— CFfI Cymru (@CFfICymru) January 18, 2018