Ymosodiad Aberystwyth: pedwerydd dyn yn y ddalfa

 
Aberystwyth

Safle’r ymosodiad yn Aberystwyth

Llun: golwg360

Mae’r heddlu wedi cadarnhau bod pedwerydd dyn yn y ddalfa yn dilyn ymosodiad difrifol yn Aberystwyth dros y penwythnos.

Mae Ifan Owens o Gaerdydd, myfyriwr ail flwyddyn, wedi bod yn yr ysbyty ers y digwyddiad yn Stryd Uchel y dref am oddeutu 2.20yb ddydd Sul (Ionawr 14).

Fe gafodd ei gludo yn gyntaf i Ysbyty Bronglais, Aberystwyth, cyn cael ei drosglwyddo i Ysbyty Athrofaol Caerdydd, lle mae’n parhau “mewn cyflwr difrifol”.

Fe gyhoeddodd Heddlu Dyfed-Powys ddydd Sul fod tri dyn – 20,23 a 25 oed – wedi’u harestio yn dilyn y digwyddiad, ac erbyn hyn maen nhw wedi cadarnhau bod pedwerydd dyn, 19 oed, wedi cael ei ddwyn i’r ddalfa.

Cafodd y pedwar eu harestio ar amheuaeth o achosi niwed corfforol difrifol ac maen nhw’n parhau yn y ddalfa.

Fe wnaeth yr heddlu apêl newydd am dystion i’r digwyddiad ddoe, ac maen nhw’n galw ar unrhyw un sydd â gwybodaeth i gysylltu â nhw ar 101.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd