Cau drysau Bodlondeb am y tro olaf

 
Rali Bodlondeb

Roedd dros 200 o bobol – gan gynnwys gwleidyddion – mewn digwyddiad i gefnogi cartref gofal Bodlondeb yn Aberystwyth

Llun: Ifor Ap Dafydd

Mae Cyngor Ceredigion wedi cau drysau cartref gofal fu’n colli £400,000 y flwyddyn.

Bu Ben Lake, Aelod Seneddol Ceredigion, a’r Arglwydd Elystan Morgan ymhlith criw o 200 ar orymdaith y llynedd yn ceisio perswadio’r cyngor lleol i gadw cartref Bodlondeb yn ardal Penparcau o Aberystwyth ar agor.

Er bod 44 o ystafelloedd gwely yn yr adeilad, dim ond 26 oedd gallu cael eu defnyddio – nid oedd y gweddill yn cyrraedd y safonau angenrheidiol.

Fe wnaed y penderfyniad i gau fis Tachwedd ac mae yn golygu colli  33 o swyddi.

Yn ôl y cyngor bu staff y Gwasanaethau Cymdeithasol yn gweithio gyda’r 11 o breswylwyr oedd yn byw yno, a’u teuluoedd, i ddod o hyd i lety addas newydd cyn gwneud trefniadau terfynol i gau’r cartref.

Dywedodd y Cynghorydd Catherine Hughes, Aelod Cabinet â chyfrifoldeb dros Wasanaethau Cymdeithasol, “Yn dilyn y penderfyniad anodd i gau Bodlondeb, rhaid inni ddiolch i breswylwyr, teuluoedd ac aelodau staff am gydweithio i sicrhau bod trosglwyddo’r preswylwyr i’w cartrefi newydd wedi bod mor llyfn â phosib. Mae’r staff yn y cartref wedi bod yn rhan o’r broses gyfan ac mae’r Cyngor yn gweithio’n galed i sicrhau eu dyfodol yn y sector gofal yng Ngheredigion.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd