Gêm griced werth £¼m i Gonwy

Diweddarwyd am  

Llun parth cyhoeddus CC0 trwy Commons Wikimedia

Mae gêm griced flynyddol wedi rhoi hwb o bron i £250,000 i economi Sir Conwy.

Cafodd Gêm Bencampwriaeth Sirol rhwng Morgannwg a Swydd Sussex ei chynnal fis Awst y llynedd yng Nghlwb Criced Bae Colwyn.

Ac yn ôl Cyngor Bwrdeistref Sirol Conwy, sef prif noddwyr y digwyddiad, fe gynhyrchodd y digwyddiad £248,000 ar gyfer yr ardal leol.

Cafodd y gêm ei chwarae dros gyfnod o dridiau, ac yn ôl ffigyrau, fe wnaeth fwy na 1,000 o gefnogwyr criced ddod i’w gweld ar y diwrnod cyntaf; bron i 900 ar yr ail ddiwrnod, a dros 700 ar y trydydd.

Fe wnaeth y gêm hefyd gynhyrchu incwm o tua £150,000 ar gyfer gwestai a thai gwely a brecwast lleol, ac maen nhw hefyd yn amcangyfrif bod cefnogwyr criced wedi gwario £98,000 ar fwyd, diod a siopa.

Sir Conwy’n “ffynnu”

 Dywedodd y Cynghorydd Lousie Emery, yr Aelod Cabinet dros Ddatblygu Economaidd, ei bod hi’n sicr bod busnesau Llandrillo-yn-Rhos a’r ardal gyfagos “yn falch” o gael digwyddiadau blynyddol fel y criced i ddenu cymaint o ymwelwyr i’r ardal.

“Mae digwyddiadau fel hyn yn hanfodol i wneud yn siŵr bod Sir Conwy’n parhau i ffynnu fel cyrchfan i dwristiaid”, meddai.

Fe fydd Cyngor Bwrdeistref Sirol Conwy’n cynnal gêm debyg unwaith eto ar y cyd â Chlwb Criced Bae Colwyn ddiwedd mis Awst a dechrau mis Medi eleni, pan fydd Morgannwg yn herio Swydd Warwick.

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd