Angen straeon am ‘brosiectau ynni adnewyddadwy llwyddiannus’

Diweddarwyd am  

Lesley Griffiths

Llun: Cynulliad Cenedlaethol Cymru CC 2.0

Mae Llywodraeth Cymru yn annog cymunedau, busnesau a sefydliadau ledled Cymru i rannu straeon ynghylch prosiectau ynni adnewyddadwy llwyddiannus.

Nod y cais hwn yw casglu tystiolaeth ynglŷn â sut y gall cynhyrchu mwy o ynni adnewyddadwy yn lleol sicrhau bod mwy o bobol ledled Cymru yn mynd ati i greu eu prosiectau eu hunain.

Bydd hyn wedyn yn gymorth i bennu’r heriau hynny y bydd angen i ddatblygwyr, busnesau, awdurdodau lleol, cymunedau ac eraill eu gorchfygu er mwyn cynhyrchu mwy o ynni adnewyddadwy yn lleol ac ar y cyd ag eraill.

Bydd hefyd yn cyd-fynd â’r targedau y gwnaeth Lesley Griffiths, yr Ysgrifennydd dros Ynni yn y Cynulliad, eu cyhoeddi ym mis Medi 2017 ynglŷn â chynhyrchu ynni yng Nghymru.

Y targedau hynny yw:

  • bod 1 Gigawatt (GW) o drydan adnewyddadwy yn cael ei gynhyrchu’n lleol erbyn 2030.
  • bod gan brosiectau ynni adnewyddadwy o leiaf un elfen o berchnogaeth leol erbyn 2020.

“Cynnydd da”

Yn ôl Lesley Griffiths, mae prosiectau fel fferm wynt Pen y Cymoedd a’r prosiect cymunedol, Awel Aman Tawe, yn dangos bod Cymru’n gwneud “cynnydd da” o safbwynt cyflawni’r targedau.

“Bydd angen llawer iawn o brosiectau eraill tebyg yng Nghymru, rhai mawr a rhai bach a fydd yn defnyddio pob mathau o dechnolegau, a rhai cymunedol a rhai ar raddfa enfawr, er mwyn diwallu anghenion y dyfodol o ran ynni,” meddai’r Ysgrifennydd dros Ynni, Cynllunio a Materion Gwledig.

“Bydd y cais am dystiolaeth yr wyf yn ei lansio heddiw yn ystyried y modd y gallwn gyflawni hyn a’r modd y gall Cymru gyfan elwa i’r eithaf arno.”

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?