Drama ddiweddaraf Channel 4 wedi’i chreu yng Nghymru

 

Sarah Lancashire (ar y dde) yn Kiri

Llun cyhoeddusrwydd gan Channel 4

Mae Llywodraeth Cymru wedi rhoi arian busnes i ddrama ddiweddaraf Channel 4, Kiri, sy’n cael ei darlledu am y tro cyntaf yr wythnos hon.

Cafodd y gyfres, sy’n serennu Sarah Lancashire, ei chynhyrchu yn y de-ddwyrain, ac mae wedi’i hysgrifennu gan Jack Thorne o Fryste. Mae’r cyfarwyddwr adnabyddus o Gymru, Euros Lyn hefyd yn rhan o’r tîm cynhyrchu.

Cyfres â phedair ran iddi yw Kiri, sydd hefyd yn serennu Lucian Msamati a Lia Williams.

Mae’n adrodd hanes merch groenddu ifanc sy’n cael ei herwgipio ac yn diflannu yn ystod ymweliad â’i theulu biolegol cyn iddi gael ei mabwysiadu. Mae Sarah Lancashire yn chwarae rhan gweithiwr cymdeithasol Kiri.

Mae’r arian wedi’i roi gan Lywodraeth Cymru ar yr amod fod y cwmni cynhyrchu, The Forge, yn gwario cyfran o’r gyllideb ar gynhyrchu’r ddrama yng Nghymru.

2017 – ‘un o’r blynyddoedd gorau i’r diwydiant’

Mewn datganiad, dywedodd yr Ysgrifennydd Treftadaeth, yr Arglwydd Dafydd Elis-Thomas: “Mae’r arwyddion cynnar yn dangos mai 2017 oedd un o’r blynyddoedd gorau i’r diwydiant teledu a chynhyrchu ffilmiau yng Nghymru.

“Rwy’ i wrth fy modd y byddwn yn darlledu drama o safon ar ddechrau 2018.

“Yn ystod 2018, byddwn yn gweithio’n galed i adeiladu ar yr hanes llwyddiannus hwn ac yn parhau i wella’r enw da sydd gan Gymru fel lleoliad ffilmio gwych ar gyfer pob math o raglen neu ffilm.”

Ychwanegodd Ysgrifennydd yr Economi, Ken Skates fod y buddsoddiad yn y cynhyrchiad “wedi arwain at fudd economaidd go iawn mewn sawl cymuned”.

“Dros y pum mlynedd diwethaf, mae cwmnïau cynhyrchu ffilmiau a rhaglenni teledu, fel Kiri, sydd wedi cael arian gan y Llywodraeth, wedi gwario dros £100 miliwn yng Nghymru.

“Mae hyn wedi creu swyddi amser llawn sy’n gyfwerth â 2000 o flynyddoedd, wedi bod o fudd i gadwynio cyflenwi lleol ac wedi helpu cannoedd o fusnesau yng Nghymru.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed