Sefydlu ‘Caffi Angau’ er mwyn rhoi cyfle i drafod marwolaeth

Diweddarwyd  

Llun: golwg360

Fe fydd Caffi Angau yn agor ei ddrysau am y tro cynta’ yng Nghaernarfon ddiwedd y mis – a’r bwriad ydi rhoi cyfle i bobol rannu syniadau, profiadau, pryderon a gobeithion am farwolaeth.

Ac mae’r wraig a fydd yn arwain y sesiynau wythnosol yng nghanolfan gelfyddydau Galeri, yn dweud ein bod fel cymdeithas “wedi ymbellhau oddi wrth farwolaeth” nes bod angen “newid y naratif ac anrhydeddu’r broses” o farw, yn ôl Bet Huws.

“Yn blentyn, daeth fy nain, ac yna fy hen fodryb, atom i dreulio diwedd eu hoes,” meddai wrth golwg360. “Bu’r gofal a chariad a roddwyd iddynt gan anwyliaid yn ddylanwad cryf arna’ i.

“Dw i wedi fy hyfforddi fel cwnselydd galar ac fel bydwraig yr enaid er mwyn dysgu sut i fod y gorau y galla’ i mewn sefyllfaoedd yn ymwneud ag angau a diwedd oes.

“Dydi’r wybodaeth yma ddim yn cael ei rhannu yn ein cymunedau fel ers talwm,” meddai wedyn.

Mudiad byd-eang

“Mae ‘Death Cafe’ yn fudiad sy’n bodoli ers tro i godi ymwybyddiaeth am angau drwy greu gofod cyfeillgar a diogel i drafod yr un peth sy’n effeithio pob un ohonom, dros baned a chacen,” meddai Bet Huws.

“Mae yna gred eich bod yn byw bywyd llawnach os ydych yn ymwybodol o’i derfyn, ac mae yna gryn ddiddordeb wedi’i fynegi yn y Caffi wrth i mi sgwrsio â phobol.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed