Plaid Cymru: Angen i fwy dderbyn gofal plant am ddim

 

Llun CC0 trwy www.pixabay.com

Mae angen cynnig 30 awr o ofal plant am ddim i bob plentyn rhwng tair a phedair oed yng Nghymru, yn ôl Plaid Cymru.

 

Drwy beidio gwneud hyn, meddai llefarydd addysg y blaid, Llŷr Huws Gruffydd, mae plant o gefndiroedd difreintiedig “dan anfantais” wrth gychwyn yn yr ysgol.

 

Mae’n cyfeirio at ymchwil a wnaed gan elusen Achub y Plant yn ddiweddar a oedd yn dangos bod plant sy’n byw mewn tlodi ddwywaith yn fwy tebygol o sgorio’n is na’r cyfartaledd mewn datblygiad ieithyddol pan maen nhw’n bum mlwydd oed.

 

Ychwanega hefyd fod y cynlluniau sydd ar y gweill gan Lywodraeth Cymru, a fydd yn cyfyngu’r 30 awr o ofal plant i deuluoedd sy’n gweithio yn unig, yn gwaethygu’r broblem i’r plant hynny sy’n dod o deuluoedd tlotach.

“Lefel gyfartal”

Nod Plaid Cymru yw rhoi i bob plentyn rhwng tair a phedair oed yng Nghymru fynediad i 30 awr o ofal am ddim bob wythnos, gan ddweud ei bod yn “hanfodol” gwaredu ar yr anfantais a’r cyraeddiadau isel sy’n bodoli mewn ysgolion.

“Mae Plaid Cymru eisiau i bob plentyn ddechrau ysgol ar lefel gyfartal, ac fe fydd ein cynigion ni’n gwneud hynny”, meddai.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed