Blwyddyn y Môr 2018: “fe allai fod wedi bod yn Flwyddyn y Dŵr”

Diweddarwyd am  
Bannau Brycheiniog

Camlas ym Mannau Brycheiniog

Llun: beaconparkboats.com

Mae ymgyrch Blwyddyn y Môr 2018 Llywodraeth Cymru i dynnu sylw at arfordir Cymru wedi ennyn ymateb cymysg gan gwmni gwyliau ym Mannau Brycheiniog.

Mae’r ymgyrch yn dilyn Blwyddyn y Chwedlau eleni a Blwyddyn Antur 2016, ac fe gafodd ei ymestyn hyd at 2019 yn dilyn llwyddiant y Flwyddyn Antur y llynedd.

Blwyddyn Darganfod fydd 2019, gan ganolbwyntio ar antur, diwylliant a’r awyr agored.

Mae twristiaid yn heidio i Lwybr yr Arfordir bob blwyddyn i gerdded ar hyd rhannau o’r llwybr 870 milltir o hyd.  Mae’n cynnwys 230 o draethau a 50 o ynysoedd lle mae modd gweld bywyd gwyllt prin a chwblhau gweithgareddau dŵr.

Cwmni cychod gwyliau

Mae cwmni Beacon Park Boats wedi’i leoli yn Llangatwg ym Mannau Brycheiniog.

Alasdair a Sarah Kirkpatrick sy’n rhedeg y cwmni sy’n cynnig gwyliau pum seren ar y dŵr – o gychod pleser i gychod moethus a bythynnod ger y gamlas.

O fewn pellter byr o’r gamlas mae trefi Aberhonddu, Crughywel a’r Fenni ac afon Wysg, yn ogystal â safle Treftadaeth y Byd Blaenafon.

Ac mae mynydd Pen-y-fan ond ryw chwarter awr i ffwrdd yn y car.

O safbwynt adloniant, mae Theatr Brycheiniog a sawl sinema yn yr ardal leol ac mae nifer o ddigwyddiadau blynyddol yn cael eu cynnal gerllaw, gan gynnwys Gŵyl y Gelli, Gŵyl y Dyn Gwyrdd a Gŵyl Fwyd y Fenni.

Croesawu sylw

Yn ôl Sarah Kirkpatrick, fe ddylai ymgyrch Blwyddyn y Môr ganolbwyntio ar ddyfroedd, a hynny ym mhob rhan o Gymru, ac nid yr arfordir yn unig.

Dywedodd wrth golwg360: “Mae’r ymgyrch yn cynnig mwy o gyfle i ni arddangos ein hunain nag y byddai gennym fel arall, a dw i’n croesawu unrhyw beth sy’n denu twristiaid i’r ardal.

“Ond fe allai’r ymgyrch fod wedi bod yn Flwyddyn y Dŵr, a fyddai wedi tynnu sylw at yr arfordir i gyd ac wrth gwrs atom ni yn fan hyn ym Mannau Brycheiniog.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed