Mae arweinydd Plaid Cymru, Leanne Wood wedi dweud na fydd hi’n cyhoeddi neges Nadoligaidd eleni.
Mewn neges ar ei thudalen Twitter, dywedodd: “Alla i ddim dod i ben â ‘meddwl am y rhai llai ffodus na ni’ ar adeg y Nadolig yn unig.”
Ond ychwanegodd: “Yn hytrach, dymunaf lonyddwch a hapusrwydd a nerth ar gyfer gwleidyddiaeth bositif i helpu i frwydro yn erbyn anghyfiawnder yn 2018.”
I’ve not issued a ”Christmas message” – I can’t be doing with “thinking of those less fortunate than ourselves” only at Christmas. Instead I wish you all good rest & happiness & strength for positive politics to help fight injustice in 2018.#NadoligLlawen
— LeanneWood (@LeanneWood) December 24, 2017
Negeseuon
Daw “neges” Leanne Wood ar ôl i nifer o arweinwyr gwleidyddol, gan gynnwys Prif Weinidog Cymru Carwyn Jones, gyhoeddi eu negeseuon Nadoligaidd hwythau heddiw.
Yn ei neges yntau, dywedodd Carwyn Jones fod 2017 wedi bod yn “flwyddyn anodd”, a hynny’n dilyn marwolaethau Carl Sargeant a Rhodri Morgan.
Yn ei neges hithau, dywedodd Prif Weinidog Prydain, Theresa May y dylai pobol “ymfalchïo yn eu treftadaeth Gristnogol”.
Galwodd arweinydd y Blaid Lafur, Jeremy Corbyn am helpu “pobol unig”.
