Cyn-ysgrifennydd Cymru ‘heb dorri’r rheolau’

Diweddarwyd  
Stephen Crabb

Cyn-Ysgrifennydd Cymru’n wynebu camau disgyblu

Llun: Chris McAndrew CC 3.0 trwy Commons Wikimedia

Mae cyn-ysgrifennydd Cymru, Stephen Crabb, wedi ei gael yn ddieuog o dorri rheolau’r Blaid Geidwadol yn dilyn ymchwiliadau i honiadau o ymddygiad anaddas.

Roedd AS Preseli Penfro wedi gorfod ymddiswyddo o’i swydd fel Ysgrifennydd Gwaith a Phensiynau y llynedd ar ôl iddo gyfaddef anfon negeseuon awgrymog i ferch 19 oed y bu’n ei chyfweld ar gyfer swydd.

Fe ddaeth panel o dan arweiniad QC annibynnol i’r casgliad fod ei ymddygiad yn anaddas, ond nad oedd wedi mynd cyn belled â’i haflonyddu’n rhywiol.

Mewn datganiad, dywedodd llefarydd ar ran y Blaid Geidwadol:
“Roedd ei ymddygiad, er nad oedd yn aflonyddu, yn anaddas ac yn syrthio’n fyr o’r safonau y mae’r blaid yn eu disgwyl.

“Mae cadeirydd y blaid wedi atgoffa Mr Crabb o’r angen i lynu at ysbryd a llythyren y cod ymddygiad bob amser. Mae wedi derbyn hyn yn llwyr ac wedi gwneud ymddiheuriad llawn.”

Cyn iddo gael ei benodi’n Ysgrifennydd Gwaith a Phensiynau ym mis Mawrth y llynedd, fe fu Stephen Crabb yn Ysgrifennydd Gwladol Cymru am ddwy flynedd.

Cymerwyd ei le yn y swydd honno gan Ysgrifennydd presennol Cymru, Alun Cairns, AS Bro Morgannwg.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?