‘Gwnewch Gymru’n Genedl Noddfa’

 
Aelod Cynulliad Arfon, Sian Gwenllian

Sian Gwenllian AC

Llun: Cynulliad Cenedlaethol Cymru

Mae Plaid Cymru’n galw ar i Gymru gyfan ddod yn Genedl Noddfa – er mwyn helpu ceiswyr lloches a ffoaduriaid i ymgartrefu yn eu cymunedau newydd.

Mae Caerdydd ac Abertawe eisoes yn cael eu cydnabod fel Dinasoedd Noddfa, a dylai gweddill Cymru ddilyn eu hesiampl, yn ôl Siân Gwenllian AC, llefarydd Plaid Cymru dros Lywodraeth Leol.

“Mae ffoaduriaid yng Nghymru yn wynebu anawsterau enfawr,” meddai.

“Efallai eu bod wedi eu gorfodi i ffoi o’u cartrefi dan amgylchiadau trawmatig, a cholli teuluoedd ac anwyliaid. Gall ail-gychwyn mewn gwlad newydd, ddieithr beri ofn, ond gyda’r gefnogaeth briodol, gall ffoaduriaid wneud cyfraniad enfawr i’n cenedl.

“Daeth Abertawe yn Ddinas Noddfa yn 2010, a dilynodd Caerdydd yn 2014. Mae gwaith rhagorol wedi ei wneud yn y ddwy ddinas i helpu ffoaduriaid gynefino ac adeiladu eu bywydau newydd.

“Gyda nifer o drefi llai yn croesawu ffoaduriaid yn ddiweddar, gan gynnwys Aberystwyth ac Arberth, mae arnom angen i Gymru gyfan ddod yn Genedl Noddfa i sicrhau fod cefnogaeth ar gael ar hyd a lled y wlad.

“Byddai dod yn Genedl Noddfa yn anfon neges rymus fod Cymru yn rhoi croeso cynnes i ffoaduriaid.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?