Symud slot Pobol y Cwm am ddeuddydd yr wythnos

Diweddarwyd  

Arwyn Davies yn chwarae rhan ‘Mark Jones’ yn Pobol y Cwm

Llun: S4C

Mi fydd yr opera sebon boblogaidd, Pobol y Cwm, yn cael ei darlledu hanner awr yn gynt am 7:30yh bob nos Fawrth a nos Iau yn y flwyddyn newydd.

Mae S4C hefyd wedi cadarnhau y bydd slot Rownd a Rownd yn symud awr yn gynt ar y nosweithiau hynny i 6:30yh.

Bwriad hyn, yn ôl y darlledwr, yw rhyddhau lle i ddarlledu rhaglenni awr o hyd rhwng 8yh a 9yh bob nos Fawrth a nos Iau.

Rhaglenni awr o hyd

Hyd yn hyn mae S4C wedi cadarnhau y bydd y gyfres Priodas Pum Mil yn un o’r rhaglenni awr fydd yn cael eu darlledu yn y cyfnod hwn.

Mae’r gyfres arall yn dilyn y naturiaethwr Iolo Williams – Deifio yn y Barrier Reef a bwriad hyn, yn ôl Amanda Rees, yw “dod â mwy o liw i oriau brig S4C.”

Mae Cyfarwyddwr Creadigol Cynnwys S4C yn ychwanegu fod angen newid amserlen rhaglenni “o dro i dro er mwyn ateb anghenion y gwylwyr.”

“Mae cynulleidfa deuluol ar gael i wylio am 8.00 nad ydym yn eu cyrraedd i’r eithaf ar hyn bryd,” meddai.

“Teimlwn fod yr amserlen newydd hon ar gyfer nosweithiau Mawrth ac Iau yn gyfle i ddal y gynulleidfa deuluol honno yn ogystal â darparu mwy o amrywiaeth i wylwyr eraill, a’r Flwyddyn Newydd yw’r amser cywir i’w lansio.”

Mi fydd y newid yn dechrau o’r 2 Ionawr 2018, gyda rhaglen Pobol y Cwm yn parhau i gael ei darlledu am 8yh ar nos Lun, nos Fercher a nos Wener.

Manylion yr amserlen

Nos Fawrth a Nos Iau:

6.30        Rownd a Rownd

7.00        Heno

7.30        Pobol y Cwm

8.00        Rhaglen awr o hyd

9.00        Newyddion 9

 

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?