Beirniadu cyngor ‘diffygiol’ pensiynau gweithwyr dur

 
Y ffwrnais yn y nos

Ffwrnais ym Mhort Talbot

Llun parth cyhoeddus

Mae pwyllgor o Aelodau Seneddol wedi beirniadu cwmnïau sydd wedi rhoi cyngor ariannol i weithwyr dur ym Mhrydain, gan gynnwys gweithwyr dur TATA ym Mhort Talbot.

Yn ôl Pwyllgor Gwaith a Phensiynau Llywodraeth Prydain, roedd y cyngor ariannol yn “ddiffygiol” a doedd dim digon wedi’i wneud i atal gweithwyr rhag cael eu “camarwain” i drosglwyddo pensiynau i gynlluniau heb fuddiannau cystal, yn ôl Frank Field, cadeirydd y pwyllgor.

Mae Frank Field wedi galw ar yr Awdurdod Ymddygiad Ariannol (FCA) i wella eu hymdrechion i amddiffyn cwsmeriaid sydd â chynlluniau pensiwn wedi’u diffinio (DB).

Trosglwyddo pensiynau

Daw’r pryderon wrth i Gynllun Pensiwn Dur Prydeinig (BSPS) gael ei ailstrwythuro sydd wedi sbarduno aelodau i ystyried trosglwyddo eu harian at gynllun pensiwn personol.

“Tra bod gweithredoedd yr FCA i ddiogelu aelodau’r BSPS o’r diwedd yn rhywbeth i’w groesawu, rwy’n parhau’n bryderus am yr agwedd gyffredinol sydd wedi bod yn ddirfawr ddiffygiol,” meddai Frank Field.

Mae’n ychwanegu fod trosglwyddo cyflog bensiwn derfynol “ar y cyfan yn syniad ofnadwy” ac y dylai cwmnïau sy’n annog pobol i wneud hynny “wynebu cau yn syth.”

“Mae’r FCA wedi derbyn y llythyr ac mi fydd, wrth gwrs, yn ymateb iddo,” meddai llefarydd ar ran yr awdurdod.

 

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?