Ffrae tros arian datblygu i Gymru

Diweddarwyd am  
Llun pen ac ysgwydd ar gefndir gwyn

Alun Cairns

Llun: Ceidwadwyr Cymru

Mae ffrae’n codi tros arian datblygu’r economi yng Nghymru ar ôl Brexit gyda Llywodraeth Prydain yn rhybuddio y bydd yna newidiadau mawr.

Fydd hi ddim yn bosib parhau gyda’r un math o gynllun ag sydd yna dan yr Undeb Ewropeaidd, meddai datganiad gan Swyddfa Cymru heddiw.

Roedd hwnnw’n ymateb i alwad gan Lywodraeth Cymru am addewid y byddai’r Llywodraeth yn Llundain yn cadw at yr un lefelau gwario â’r Undeb – gwerth degau o filiynau o bunnoedd bob blwyddyn.

Cynllun newydd

“Dyw gweithredu cynllun yn union yr un peth ddim yn opsiwn,” meddai Ysgrifennydd Cymru, Alun Cairns. “Bydd y Llywodraeth hon yn penderfynu ar ffordd arloesol o gyllid’r cymunedau mwya’ anghenus yng Nghymru.”

Roedd y system Ewropeaidd yn ddrud ac aneffeithiol, meddai, gan ddweud bod rhannau o Gymru wedi derbyn £4 biliwn ond yn dal i aros ar y gwaelod o ran ffyrdd o fesur ffyniant economaidd.

Ond mae Llywodraeth Cymru yn eisoes wedi rhybuddio rhag cynllun sy’n cael ei baratoi yn Llundain ar gyfer Cymru.

Maen nhw wedi bygwth peidio â gweinyddu arian mewn cynllun sy’n cael ei osod ar Gymru gan Whitehall.

Addo ‘ymgynghori’

Heddiw, mae Swyddfa Cymru yn dweud y byddan nhw’n ymgynghori ond mai’r bwriad yw sefydlu Cronfa Rhannu Ffyniant i’r Deyrnas Unedig.

Un awgrym eisoes yw cael gwared ar y gwahaniaethau rhwng gorllewin a dwyrain Cymru – ar hyn o bryd, y Gorllewin a’r Cymoedd yw’r unig ardaloedd sy’n derbyn y lefelau ucha’ o gymorth.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?