Cosbau llymach i rai sy’n cam-drin anifeiliaid

Diweddarwyd  

Mae Llywodraeth Cymru wedi tynhau’r cosbau sy’n cael eu rhoi i bobol sy’n cam-drin anifeiliaid gan godi’r ddedfryd fwyaf i bum mlynedd dan glo.

Ar hyn o bryd, chwe mis dan glo, gwaharddiad a dirwy yw’r ddedfryd fwyaf sy’n cael ei rhoi i bobol sy’n cam-drin anifeiliaid yng Nghymru dan Ddeddf Lles Anifeiliaid 2006.

Ond mae Lesley Griffiths, Ysgrifennydd Materion Gwledig, Ynni a Chynllunio, wedi cyhoeddi fod angen “gwarchod anifeiliaid rhag poen, anaf, ofn a gofid a dylai’r rhai sy’n cyflawni’r troseddau creulondeb anifeiliaid gwaethaf wynebu cosbau llym.”

Cryfhau mesur tu allan i’r Undeb Ewropeaidd

Mae Lesley Griffiths wedi ysgrifennu at Michael Gove am y newid hwn, sef Ysgrifennydd Amgylchedd, Bwyd a Materion Gwledig Llywodraeth Prydain.

Mae’n esbonio y bydd Llywodraeth Cymru a Llywodraeth Prydain yn cydweithio ar gyflwyno Mesur Drafft i’r newid gan roi ystyriaeth i les anifeiliaid fel “bodau ymdeimladol.”
“Mae ein barn ni am ymdeimlad wedi bod yn glir iawn,” meddai Lesley Griffiths.

“Rydyn ni’n cytuno’n llwyr bod anifeiliaid yn fodau ymdeimladol ac fe fyddwn ni’n parhau i hybu a gwella lles anifeiliaid, nawr ac ar ôl i ni adael yr Undeb Ewropeaidd,” meddai.

“Roedd y ffaith nad oedd ymdeimlad yn rhan o unrhyw Fil yn y Deyrnas Unedig yn bryder i ni a’n rhanddeiliaid, yn enwedig Cymdeithas Filfeddygol Prydain.

“Felly bydd cynnwys yr elfen sensitif yma ym Mil y Deyrnas Unedig yn rhoi hyder ac yn normaleiddio hyn.”

 

 

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?