Gosod targed i waredu â’r diciâu mewn gwartheg

Diweddarwyd am  

Lesley Griffiths

Llun: Cynulliad Cenedlaethol Cymru CC 2.0

Mae Llywodraeth Cymru wedi cyhoeddi targed i geisio gwaredu â’r diciâu mewn gwartheg yng Nghymru erbyn 2036 neu hyd at 2041.

Fe fyddan nhw’n gwneud hyn drwy ganolbwyntio ar ddiogelu ardaloedd sydd â risg isel o TB rhag datblygu’r clefyd, ynghyd â cheisio lleihau’r clefyd mewn ardaloedd sydd â risg canolradd ac uchel.

Mae’r targedau’n cynnwys asesu pob un o’r rhanbarthau hyn bob chwe blynedd gan osod targedau newydd yn unol â’r gwelliant sydd wedi’i wneud.

‘Camau breision’

“Rydym wedi cymryd camau breision yn y blynyddoedd diwethaf i ddileu TB yng Nghymru,” meddai Lesley Griffiths, Ysgrifennydd Materion Gwledig, Ynni a Chynllunio.

“Gwelwyd gostyngiad arwyddocaol yn nifer yr achosion ledled y wlad ac rwy’n benderfynol o weld y gwelliant hwnnw’n para,” meddai.

“Mae’r cerrig milltir rhanbarthol o 6 mlynedd rwy’n eu cyhoeddi yn allweddol i hyn. Os llwyddwn ni i’w taro, bydd Cymru heb TB yn swyddogol rhwng 2036 a 2041.”

Targedau amser
Mae Undeb Amaethwyr Cymru wedi croesawu’r targedau gan ddweud fod cael dyddiad targed yn cynnig “eglurdeb yn y broses ac yn ffocysu ar y rhaglen waredu,” meddai Hazel Wright, swyddog polisi ar ran yr undeb.

“Yn fwy na dim, mae’n cynnig atebolrwydd ac yn galluogi’r diwydiant i werthuso a yw’r strategaeth yn gweithio.”

Mae’n ychwanegu fod gan wledydd eraill dargedau amser penodol i waredu â’r clefyd gan gynnwys Seland Newydd, Iwerddon a Lloegr.

 

 

 

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?