Gobaith am ail gofeb yng Nghilmeri

Diweddarwyd  

Y gofeb i Lywelyn Ein Llyw Olaf ym mhentref Cilmeri

Llun: Rhion Pritchard, parth cyhoeddus

Erbyn mis Rhagfyr y flwyddyn nesaf mae criw o ymgyrchwyr yn gobeithio y bydd ail gofeb yn ei lle yng Nghilmeri.

A heddiw’n ddiwrnod cofio Llywelyn Ein Llyw Olaf, gafodd ei ladd ar 11 Rhagfyr 1282, mae angen cofio’r milwyr eraill hefyd, yn ôl Geraint Roberts un o drefnwyr y rali flynyddol yng Nghilmeri.

“Y neges, fel wastad, yw bod y digwyddiad yn gyfle inni gofio am Llywelyn ein Llyw Olaf a hefyd y tua 3,000 o filwyr eraill gafodd eu lladd,” meddai Geraint Roberts o Ystradgynlais wrth golwg360.

“Ni’n gobeithio erbyn y flwyddyn nesaf i gael cofeb deilwng iddyn nhw,” meddai gan gyfeirio at y milwyr.

“Nid yno i gofio’r Tywysog yn unig oeddem ni, oherwydd rydyn ni’n gweld Llywelyn Ein Llyw Olaf fel symbol o’r ewyllys sydd gennym i weld Cymru well, ac i weld Cymru Rydd,” meddai.

‘Tywydd gaeafol’

Mae’n cydnabod fod “llai nag arfer” wedi ymuno yn y rali ddydd Sadwrn (Rhagfyr 9), ond mae’n dweud y gallai’r tywydd gaeafol fod wedi effeithio ar drefniadau teithio.

Yn rhan o’r digwyddiad bu gwasanaeth coffa yn Eglwys Llanynys, gorymdaith at y garreg goffa, areithiau ynghyd â noson lawen yn Llanwrtyd y noson honno.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?