Rhybuddio am ddatblygiad ger Pier Llandudno

Diweddarwyd am  

Adam Williams, perchennog Pier Llandudno

Llun: Tir Prince Leisure Group

Mae perchennog Pier Llandudno yn rhybuddio y gallai’r cynllun i ddatblygu fflatiau ar hen safle’r Pafiliwn effeithio ar ddyfodol y pier ei hun.

Mae Adam Williams, perchennog y pier, yn dweud na all barhau i fuddsoddi yn y pier tra bod “bygythiad o’r datblygiad preswyl dadleuol yn parhau dros yr atyniad hanesyddol i ymwelwyr.”

Mae’r datblygwr Alan Waldron yn gobeithio datblygu tua 49 o fflatiau, gofod llawr masnachol a lle parcio ar hen safle’r Pafiliwn yn Llandudno.

Mae disgwyl i bwyllgor cynllunio Cyngor Sir Conwy drafod y cais ddydd Mercher (Rhagfyr 13).

‘Ansicrwydd’

Yn y cyfamser mae perchennog y pier yn mynegi pryder am ddyfodol swyddi ynghlwm â’r pier gan gynnwys y cabanau gan ddweud y gallai cwynion gan breswylwyr y fflatiau orfodi iddyn nhw gau.

“Gyda chymaint o ansicrwydd, ni allwn barhau i gynnal ein gweledigaeth hirdymor ar gyfer y pier,” meddai Adam Williams.

Mae’n ychwanegu fod angen gwario o leiaf £150,000 ar waith atgyweirio ond mi fydd datblygiad y fflatiau yn “achosi anhrefn yn yr ardal leol gydag effaith anorfod ar niferoedd yr ymwelwyr a’r incwm,” meddai.

Mi brynodd Adam Williams y pier yn 2015 am £4.5m ac mae’n dweud ei fod wedi buddsoddi tua £1m yn y safle ers hynny gyda llawer o waith wedi’i wneud ar seiliau’r pier.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?