Gwrthwynebu cynlluniau safle “militaraidd” yng Ngwynedd

Diweddarwyd  

Drôn

Llun parth cyhoeddus

Mae mudiad heddwch wedi galw ar Gabinet Cyngor Gwynedd i beidio â bwrw ymlaen a chynlluniau i ariannu canolfan awyrofod yn y sir – “safle fydd yn arbenigo mewn lladd” yn ôl ymgyrchwyr.

Mewn cyfarfod prynhawn dydd Mawrth (Rhagfyr 12) bydd y Cabinet yn trafod y posibiliad o gyfrannu £500,000 tuag at Ganolfan Awyrofod Eryri, ym Maes Awyr Llanbedr.

Mi fyddai hanner y swm yn deillio o gronfa Ewropeaidd, ac yn ôl dogfen gan y Cyngor gall y buddsoddiad arwain at greu 100 o swyddi.

Ond, mae mudiad Cymdeithas y Cymod yn gwrthod hyn gan ddadlau na fyddai’n arwain at greu cymaint o swyddi ac y byddai’r arian yn cyfrannu at “hyrwyddo drôns militaraidd”.

“Arbenigo mewn lladd”

“Mewn cyfnod o gwtogi enbyd, mae’n anfoesol y gall Cyngor Gwynedd roi hanner miliwn o bunnau tuag at ddatblygu safle fydd yn arbenigo mewn lladd,” meddai ymgyrchydd o’r mudiad, Awel Irene.

“Rydym hefyd yn amau’r honiad y daw cant o swyddi o’r buddsoddiad hwn. Swyddi dros dro i addasu’r ffordd a’r adeiladau ydi’r unig swyddi lleol ddaw yn sgil hyn.”

Mae’r grŵp hefyd yn dadlau bod ymrwymiad y cwmni technoleg filwrol QinetiQ â’r prosiect “yn brawf pendant mai bwriad militaraidd sydd i’r cynllun.”

Bydd aelodau Cymdeithas y Cymod yn bresennol yng Nghaernarfon yfory, ac mae’r mudiad wedi cyflwyno llythyr i aelodau’r Cabinet.

Mae golwg360 wedi gofyn i Gyngor Gwynedd am ymateb.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd