Lansio Blwyddyn y Môr 2018

Diweddarwyd am  
castell tywod

Llun CCO 2

Wrth i’r ymgyrch marchnata ‘Blwyddyn y Chwedlau’ ddirwyn i ben, mae Llywodraeth Cymru wedi  lansio ymgyrch thematig newydd i’w olynu.

Gan ddilyn trywydd ei rhagflaenydd, bydd ymgyrch ‘Blwyddyn y Môr 2018’ – dan ofal Croeso Cymru – yn anelu i ddenu twristiaid i Gymru trwy amlygu agwedd benodol o’n diwylliant.

Mae’r Gweinidog Twristiaeth, Dafydd Elis-Thomas, wedi dweud ei fod am weld yr ymgyrch yn “dathlu arfordir Cymru” ac yn “adeiladu ar gryfderau Cymru” fel cyrchfan glan môr.

“[Bydd] yn rhoi cyfle inni ddathlu’n llwybr arfordirol unigryw, 870 milltir o hyd, ein 230 o draethau a’n 50 o ynysoedd, a’r ffaith bod gennym fwy o draethau Baner Las y filltir nag unman arall ym Mhrydain,” meddai Dafydd Elis-Thomas.

“Bydd y flwyddyn yn rhoi cyfle inni ganolbwyntio ar lannau môr Cymru gan gynnwys ein llynnoedd, afonydd a theithiau i’r môr – nid y môr yn unig – ac yn ddathliad o’n cymunedau arfordirol a’n diwylliant.”

Hwylio

Hannah Mills, sydd yn enedigol o Gaerdydd ac sydd wedi ennill medal aur Olympaidd am hwylio cystadleuol, fydd llysgennad yr ymgyrch.

Un digwyddiad o bwys fydd yn digwydd yn ystod Blwyddyn y Môr fydd Ras Cefndir Volvo yng Nghaerdydd. Bydd yn cael ei gynnal rhwng mis Mai a Mehefin.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed